Foto: ashyq derekkóz
2026 jylǵy qańtar–aqpan ailarynyń qorytyndysy boiynsha respýblikalyq biýdjettiń kiris bóligi turaqty túrde oryndaldy, dep habarlaidy Ult.kz Memlekettik kirister komitetine silteme jasap.
2026 jylǵy 1 naýryzdaǵy jaǵdaiǵa sáikes, salyqtyq túsimder jospary 113,7%-ǵa oryndalyp, biýdjetke 2 979,0 mlrd teńge tústi. Ótken jyldyń osy kezeńimen salystyrǵanda ósim 677,5 mlrd teńgeni nemese 129,4%-dy qurady.
Oń dinamika negizinen biýdjet quraýshy negizgi salyqtar esebinen qamtamasyz etildi. Atap aitqanda, korporativtik tabys salyǵy (KTS) boiynsha ósim 116,9%-dy qurap, túsim 118,0 mlrd teńgege artty. Al qosylǵan qun salyǵy (QQS) boiynsha ósim 138,8%-ǵa jetip, 428,6 mlrd teńgege ulǵaidy.
Sonymen qatar aqparattyq keńistikte 2026 jyldyń qańtar aiynyń derekterine súiengen jekelegen saraptamalyq baǵalaýlar jariialanǵan bolatyn. Alaida mundai qorytyndylar biýdjet kiristeriniń naqty kórinisin tolyq kórsetpeidi. Sebebi 2025 jyldyń tórtinshi toqsany boiynsha birqatar negizgi tólemderdiń merzimi 2026 jylǵy 25 aqpanǵa deiin belgilengen.
Osyǵan bailanysty túsimderdiń edáýir bóligi dástúrli túrde aqpan aiynyń qorytyndysy boiynsha qalyptasady. Nátijesinde 1 naýryzdaǵy jaǵdai boiynsha QQS jospary 119,8%-ǵa oryndalyp, josparlanǵan 1 281,0 mlrd teńgeniń ornyna biýdjetke 1 534,5 mlrd teńge tústi.
