2025 جىلعا قاراي 800 مىڭ جاس تۇرعىن ٷي جيناعى جٷيەسٸمەن قامتىلادى. بۇل جايىندا مەجٸلٸس دەپۋتاتتارىنىڭ ساۋالىنا قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى قازاقپارات.
«مەملەكەت جاستاردى قولجەتٸمدٸ تۇرعىن ٷيمەن قامتاماسىز ەتۋ بويىنشا بالاما ٸس-شارالار قابىلداۋدا. مىسالى, قازٸرگٸ ۋاقىتتا «ۇلتتىق رۋحاني جاڭعىرۋ» ۇلتتىق جوباسى جاستاردىڭ تۇرعىن ٷي مەسەلەلەرٸ بويىنشا بازالىق سۇرانىستارىن شەشۋدٸ كٶزدەيتٸن «تەۋەلسٸزدٸك ۇرپاقتارى» باعىتىن قامتيدٸ. وسى باعىت بويىنشا 2025 جىلعا قاراي 800 مىڭ جاس ادامدى تۇرعىن ٷي جيناقتارى جٷيەسٸمەن قامتۋدى قامتاماسىز ەتۋ جوسپارلانۋدا», - دەلٸنگەن ۆيتسە-پرەمەر جاۋابىندا.
ەرالى توعجانوۆتىڭ اتاپ ٶتۋٸنشە, جاستارعا تۇرعىن ٷي قۇرىلىس جيناقتارى جٷيەسٸ بويىنشا سالىمداردى تولىقتىرۋ ٷشٸن بٸرىڭعاي زەينەتاقى تٶلەمدەرٸن پايدالانۋ مٷمكٸندٸگٸ بەرٸلمەك.
