2025 جىلعا قاراي 600 مىڭ گەكتاردان استام جاڭا سۋارمالى جەر يگەرٸلەدٸ. بۇل تۋرالى مەجٸلٸستەگٸ «Nur Otan» پارتيياسى پارلامەنتتٸك فراكتسيياسىنىڭ كەڭەيتٸلگەن وتىرىسىندا ٷكٸمەت باسشىسى اسقار مامين ايتتى, دەپ حابارلايدى قازاقپارات.
«2025 جىلعا قاراي 600 مىڭ گەكتاردان استام جاڭا سۋارمالى جەر يگەرٸلەدٸ. بۇل قوسىمشا شامامەن 70 مىڭ وتباسشىلىق شارۋاشىلىق قۇرۋعا مٷمكٸندٸك بەرەدٸ. جالپى حالىق سانى 900 مىڭنان اساتىن 246 اۋىلعا گاز تارتىلادى. نەتيجەسٸندە 2025 جىلعا قاراي گازداندىرۋ دەڭگەيٸ 60 پايىزعا جەتەدٸ», - دەدٸ ٷكٸمەت باسشىسى «Nur Otan» پارتيياسىنىڭ «ٶزگەرٸستەر جولى: ەر ازاماتقا لايىقتى ٶمٸر!» سايلاۋ باعدارلاماسىن ورىنداۋدىڭ جول كارتاسىن تالقىلاۋ بارىسىندا.
ونىڭ اتاپ ٶتۋٸنشە, جاڭا ٶڭٸرلٸك ستاندارتتارعاسەيكەس, ەلٸمٸزدٸڭ بارلىق ٶڭٸرٸندە 3,5 مىڭنان استام اۋىل جاڭعىرتىلادى.
«2025 جىلعا قاراي حالىقتىڭ 99 پايىزىنا جوعارى جىلدامدىقتى ينتەرنەت قولجەتٸمدٸ بولادى. 2025 جىلعا قاراي وتاندىق نارىق ٶزٸندٸك ٶندٸرٸس ەسەبٸنەن ەلەۋمەتتٸك ماڭىزى بار ازىق-تٷلٸك تاۋارلارىمەن تولىق قامتاماسىز ەتٸلەدٸ», - دەدٸ اسقار مامين.
