2025 جىلعا دەيٸن تٷركٸستان وبلىسى ەلدٸ مەكەندەرٸنٸڭ 99 پايىزى گازبەن قامتاماسىز ەتٸلەدٸ. بۇل تۋرالى بٷگٸن ٷكٸمەت وتىرىسىندا تٷركٸستان وبلىسىنىڭ ەكٸمٸ ٶمٸرزاق شٶكەەۆ ايتتى, دەپ حابارلايدى "ۇلت اقپارات".
«قازٸرگٸ تاڭدا وبلىستىڭ 1 ملن 152 مىڭ تۇرعىنى بار ەلدٸ مەكەندەرٸ تابيعي گازبەن قامتاماسىز ەتٸلگەن. بيىل 43 نىساننىڭ قۇرىلىسى جٷردٸ. ونىڭ 20-سى اياقتالدى, 23-ٸ كەلەسٸ جىلعا ٶتپەلٸ. تٷركٸستان وبلىسىن دامىتۋدىڭ 2025 جىلعا دەيٸنگٸ كەشەندٸ جوسپارى بار. سول جوسپاردا 2025 جىلعا دەيٸن ەلدٸ مەكەندەردٸ 99 پايىز گازبەن قامتاماسىز ەتۋ جوسپارلانعان. كەلەسٸ جىلعا ەنەرگەتيكا مينيسترلٸگٸمەن بٸرلەسٸپ, بيۋدجەتتٸك ٶتٸنٸم ۇسىنىلدى. 4,3 ملرد تەڭگەگە 7 نىساندى گازداندىرۋ قاراستىرىلعان. تاعى 52 نىساندى گازداندىرۋعا دايىنبىز. سوندىقتان بۇل قۇرىلىستاردى باستاۋعا تاعى قارجى كەرەك بولادى. وعان قوسىمشا ٶتٸنٸم جاسايمىز», - دەدٸ وبلىس باسشىسى.
سونىمەن قاتار ول ٶڭٸردەگٸ گاز قۇبىرلارى «قازترانسگاز» اق-قا سەنٸمگەرلٸك باسقارۋعا بەرٸلٸپ جاتقانىن ايتتى.
«قازٸرگٸ ۋاقىتتا قۇرىلىسى بٸتكەن 298 نىساننىڭ 110-ى قازان ايىندا سەنٸمگەرلٸك باسقارۋعا بەرۋگە دايىن بولعان ەدٸ. ونىڭ 30 بەرٸلدٸ. بٷگٸندە 140 نىسان دايىن تۇر. قالعان 84 نىسان پروبلەمالى بولاتىن. جىلدىڭ سوڭىنا دەيٸن ولاردىڭ قۇجاتتارىن دايىنداپ بەرەمٸز. ەنەرگەتيكا مينيسترلٸگٸمەن بٸرگە جۇمىس ٸستەپ جاتىرمىز. تاپسىرمانى ورىنداۋعا تولىق مٷمكٸنشٸلٸك بار», - دەدٸ ٶمٸرزاق شٶكەەۆ.
