2025 جىلعا دەيٸن 80 مىڭ قانداستىڭ قازاقستانعا ورالۋىنا جەردەمدەسۋ جوسپارلانعان. بۇل تۋرالى مەجٸلٸس دەپۋتاتتارىنىڭ ساۋالىنا قر پرەمەر-مينيسترٸ اسقار ماميننٸڭ جاۋابىندا ايتىلعان, دەپ حابارلايدى قازاقپارات.
«قانداستاردى قابىلداۋدىڭ ٶڭٸرلٸك كۆوتاسى قازاقستان رەسپۋبليكاسىنىڭ «حالىقتىڭ كٶشٸ-قونى تۋرالى» زاڭىنا سەيكەس جۇمىسقا ورنالاستىرۋ, تۇرعىن ٷيمەن قامتاماسىز ەتۋ, مەكتەپكە دەيٸنگٸ بٸلٸم بەرۋ ۇيىمدارىنداعى ورىندار, ورتا بٸلٸم بەرۋ ۇيىمدارىنىڭ مٷمكٸندٸكتەرٸن جەنە قولدانىستاعى زاڭناما شەڭبەرٸندە مەملەكەتتٸك قولداۋدىڭ باسقا دا شارالارىن ۇسىنۋدى ەسكەرە وتىرىپ, جەرگٸلٸكتٸ اتقارۋشى ورگانداردىڭ ۇسىنىستارى نەگٸزٸندە قالىپتاستىرىلادى», - دەدٸ ول.
ٷكٸمەت باسشىسىنىڭ دەرەگٸنشە, 1991 جىلدان بەرٸ بارلىعى 1 ملن 70,3 مىڭ قازاق تاريحي وتانىنا ورالدى. 2020 جىلدىڭ قورىتىندىسى بويىنشا 13 مىڭنان استام ادام كٶشٸپ كەلٸپ, قانداس مەرتەبەسٸن الدى. ونىڭ ٸشٸندە ٶڭٸرلٸك قابىلداۋ كۆوتاسىنا 1 378 قانداس ەنگٸزٸلدٸ. بيىل ەتنيكالىق قازاقتاردىڭ, جەرگٸلٸكتٸ اتقارۋشى ورگاندار مەن قازاقستان رەسپۋبليكاسىنىڭ شەت ەلدەردەگٸ مەكەمەلەرٸنٸڭ ۇسىنىستارى مەن ٶتٸنٸمدەرٸن ەسكەرە وتىرىپ, ٶڭٸرلٸك كۆوتا 1 426 قۇرادى.
«Nur Otan» پارتيياسىنىڭ 2025 جىلعا دەيٸنگٸ «ٶزگەرٸستەر جولى: ەربٸر ازاماتقا لايىقتى ٶمٸر» سايلاۋالدى باعدارلاماسىن ٸسكە اسىرۋ جٶنٸندەگٸ جول كارتاسىنا سەيكەس 2025 جىلعا دەيٸن 80 مىڭ قانداستىڭ, ونىڭ ٸشٸندە 2021 جىلى 12 مىڭ قانداستىڭ قايتا ورالۋىنا جەردەمدەسۋ جوسپارلانۋدا. وسىعان بايلانىستى, سونداي-اق شەتەلدەن كەلەتٸن قانداستار سانىنىڭ ۇلعايۋىن ەسكەرە وتىرىپ (جەرگٸلٸكتٸ اتقارۋشى ورگانداردىڭ ٶتٸنٸمدەرٸنٸڭ نەگٸزٸندە), قانداستاردى قابىلداۋ كۆوتاسى قايتا قارالاتىن بولادى», - دەدٸ اسقار مامين.
