2023 جىلى دەرٸگەرلەردٸڭ جالاقىسى 561 مىڭ تەڭگەگە جەتەدٸ. بۇل تۋرالى بٷگٸن قر دەنساۋلىق ساقتاۋ مينيسترلٸگٸنٸڭ كەڭەيتٸلگەن القا وتىرىسىندا ۆەدومستۆو باسشىسى الەكسەي تسوي ايتتى, دەپ حابارلايدى "ۇلت اقپارات".
دەنساۋلىق ساقتاۋ مينيسترٸ مەملەكەت باسشىسى بيىلدان باستاپ دەرٸگەرلەردٸڭ جالاقىسىن كەزەڭ-كەزەڭٸمەن كٶتەرۋ مٸندەتٸن قويعانىن ەسكە سالدى.
«2023 جىلعا قاراي دەرٸگەرلەردٸڭ جالاقىسى ەكونوميكاداعى ورتاشا جالاقىدان ەكٸ جارىم ەسە جوعارى دەڭگەيگە جەتەدٸ دەپ بولجانۋدا. مەسەلەن, 247 مىڭ مەديتسينا قىزمەتكەرٸنٸڭ جالاقىسىن كٶتەرۋگە رەسپۋبليكالىق بيۋدجەتتە تيٸستٸ شىعىستار كٶزدەلگەن: 2021 جىلى – 222 ملرد تەڭگە, 2022 جىلى – 362 ملرد تەڭگە, 2023 جىلى - 557 ملرد تەڭگە. وسىلايشا, 2021 جىلى دەرٸگەرلەردٸڭ ورتاشا جالاقىسى شامامەن 320 مىڭ تەڭگە بولادى. 2023 جىلى 561 مىڭ تەڭگەگە دەيٸن جەتەدٸ. 2021 جىلى ورتا مەديتسينا قىزمەتكەرلەرٸنٸڭ ورتاشا جالاقىسى 173 مىڭ تەڭگە, 2023 جىلى 210 مىڭ تەڭگەگە جەتەدٸ», - دەدٸ الەكسەي تسوي.
