2022 جىلى فۋتبولدان ەلەم چەمپيوناتى ٶتەتٸن كاتار ەلٸنٸڭ ٷكٸمەتٸ جانكٷيەرلەردەن كوروناۆيرۋسقا قارسى ۆاكتسينا الۋدى تالاپ ەتەدٸ. بۇل تۋرالى ەلدٸڭ پرەمەر-مينيسترٸ, شەيح حاليد بين حاليفا بين ەبدەل ەزيز ەل تاني مەلٸم ەتتٸ, دەپ حابارلايدى AP.
ونىڭ ايتۋىنشا, مەملەكەت جارىستى كٶرۋگە كەلەتٸندەر ٷشٸن COVID-19 ۆيرۋسىنا قارسى ۆاكتسينانىڭ 1 ملن دوزاسىن جەتكٸزۋ تۋرالى كەلٸسسٶزدەر جٷرگٸزۋ ٷستٸندە.
«كاتار ۆيرۋسقا قارسى تولىق ەكپە سالدىرتپاعان جانكٷيەرلەرگە ستاديوندارعا كٸرۋگە رۇقسات بەرمەيدٸ... بٸزدٸڭ نەگٸزگٸ ماقساتىمىز – ازاماتتار مەن تۇرعىنداردىڭ دەنساۋلىعىن قورعاۋ», - دەدٸ شەيح حاليد.
قازٸرگٸ كەزدە كاتاردا كوروناۆيرۋستان 585 ادام قايتىس بولعان 585 220 800 ادام ٸندەتكە شالدىققان.
ەلەم چەمپيوناتى 2022 جىلدىڭ 21 قاراشاسىندا باستالۋى تيٸس.
