2021 جىلى ٸشكٸ ەڭبەك نارىعىندا قانداي ٶزگەرٸستەر بولدى? جۇمىس ٸزدەۋشٸلەر كٶپ بولدى ما جەنە جالاقى ٶستٸ مە? قازاقستاندىق HeadHunter كومپانيياسى ٶتكەن جىلدىڭ قورىتىندىسىن شىعاردى, دەپ حابارلايدى قازاقپارات.
جۇمىس بەرۋشٸلەردٸڭ ۇسىنىسى ايتارلىقتاي ارتتى
2020 جىلمەن سالىستىرعاندا ٶتكەن جىلى جۇمىس بەرۋشٸلەردٸڭ hh.kz سايتىنا جارييالاعان حابارلاندىرۋلارى 57 پايىزعا ارتقان. ياعني ولار 2021 جىلى 350 مىڭنان استام جۇمىس ورنىن ۇسىندى. بوس جۇمىس ورىندارى كٶبٸنە الماتى, نۇر-سۇلتان جەنە شىمكەنت قالالارىنا تيەسٸلٸ بولدى. جالپى ايتقاندا ٶتكەن جىلى ەڭبەك نارىعى ەپيدجاعدايدان كەيٸن قارقىندى قالىپتاستى.
جۇمىس ٸزدەۋشٸلەردٸڭ بەلسەندٸلٸك ديناميكاسى
ٶتكەن جىلى hh.kz سايتى ارقىلى 1 ملن-نان استام ادام جۇمىس ٸزدەدٸ. جۇمىس ٸزدەپ تٷيٸندەمەسٸن جارييالاۋشىلاردىڭ سانى 2020 جىلمەن سالىستىرعاندا 2021 جىلى 2 ەسەگە ارتتى. جۇمىس ٸزدەۋشٸلەر نەگٸزٸنەن الماتى, نۇر-سۇلتان جەنە شىمكەنت قالالارىنىڭ تۇرعىندارى بولدى. ماماندىقتارعا كەلسەك, جۇمىس ٸزدەۋشٸلەر ساتۋ جەنە كليەنتپەن جۇمىس ٸستەيتٸن مەنەدجەر, ساتۋشى-كەڭەسشٸ, كاسسير, ەسەپشٸ جەنە جٷرگٸزۋشٸ.
ەڭبەك نارىعىنداعى بەسەكەلەستٸك
2021 جىلى hh.kz سايتىنىڭ يندەكسٸ 2020 جىلمەن سالىستىرعاندا 27 پايىزعا ارتىپ, 2,8 كٶرسەتكٸشٸن قۇرادى. بۇل دەگەنٸمٸز بٸر بوس جۇمىس ورنىنا 3 ادامنان كەلدٸ دەگەن سٶز. بۇل نارىق ٷشٸن تۇراقتى جاعداي.
جالاقىنىڭ ٶسٸمٸ
ٶتكەن جىلى قازاقستانداعى ورتاشا جالاقىنىڭ كٶلەمٸ 223 مىڭ تەڭگەنٸ قۇرادى. بۇل 2020 جىلمەن سالىستىرعاندا 26,6 پايىزعا جوعارى. ورتاشادان جوعارى جالاقى ۇسىناتىن بوس جۇمىس ورىندارى نۇر-سۇلتان, الماتى, سەمەي, تەمٸرتاۋ, اتىراۋ, پەتروپاۆل, قاراعاندى جەنە ٶسكەمەن قالالارىندا بولدى.
كەسٸبي سالا بويىنشا سۇرانىس
ٶتكەن جىلى جۇمىس بەرۋشٸلەردٸڭ دەنٸ كەسٸبي باعىت بويىنشا سۇرانىستارىن ٶزگەرتكەن جوق. كٶش باستاۋشى سالالار – ساتۋ, بۋحگالتەرلٸك ەسەپ جەنە قارجى, ەكٸمشٸ قىزمەتكەر, اقپاراتتىق تەحنولوگييالار, ينتەرنەت جەنە قۇرىلىس پەن جىلجىمايتىن مٷلٸك.
كەسٸبي سالا بويىنشا شەكتەن تىس سۇرانىس
جاڭا بٸتٸرگەن تٷلەكتەر مەن ستۋدەنتتەر, تۋريزم, قوناق ٷي, مەيرامحانا قىزمەتٸ, قىزمەتكەرلەردٸ باسقارۋ, ەكٸمشٸلٸك باسقارۋ, كٶلٸك جەنە لوگيستيكا سالاسى بويىنشا ماماندارعا سۇرانىس جوعارى بولدى.
