كەلەسٸ جىلى قازاقستاندا تاعى تٶرت اۆتوتراسسا اقىلى نەگٸزگە كٶشٸرٸلەدٸ. بۇل تۋرالى PrimeMinister.kz-كە بەرگەن سۇحباتىندا يندۋسترييا جەنە ينفراقۇرىلىمدىق دامۋ مينيسترلٸگٸ اۆتوموبيل جولدارى كوميتەتٸنٸڭ تٶراعاسى سايرانبەك بارماقوۆ ايتتى, دەپ حابارلايدى "ۇلت اقپارات".
س.بارماقوۆتىڭ ايتۋىنشا, بٷگٸندە ەلٸمٸزدە 682 شاقىرىم اۆتوجول — اقىلى. بۇلار — «نۇر-سۇلتان – تەمٸرتاۋ», «نۇر-سۇلتان – ششۋچينسك», «الماتى – قورعاس» جەنە ا»لماتى – قاپشاعاي» باعىتتارى.
«اقىلى جولدان تٷسكەن اقشا تولىعىمەن وسى جولداردى قامتاماسىز ەتۋگە جۇمسالادى. بۇرىن ولاردى قامتۋعا رەسپۋبليكالىق بيۋدجەتتەن قاراجات بٶلٸنەتٸن. جىل باسىنان بەرٸ بٸز وسى تٶرت اقىلى جولدان 4 ملرد 130 ملن تەڭگە جينادىق», — دەدٸ كوميتەت تٶراعاسى.
سونىمەن قاتار ول قازٸرگٸ ۋاقىتتا رەسپۋبليكالىق ماڭىزى بار اۆتوموبيل جولدارىنىڭ 11 مىڭ شاقىرىمىن اقىلى ەتۋ مەسەلەسٸ قاراستىرىلىپ جاتقانىن ايتتى. ونىڭ ٸشٸندە 2020 جىلى — 5,9 مىڭ شاقىرىمىندا, 2023 جىلعا دەيٸن قالعان 5 مىڭ شاقىرىمىندا اقىلى جٷيەنٸ ەنگٸزۋ جوسپارلانعان.
وسى جىلدىڭ شٸلدەسٸندە «قازاۆتوجول» ۇك» اق اقىلى جٷيەنٸ ەنگٸزۋگە ينۆەستيتسييالىق كونكۋرس جارييالادى. جىل سوڭىنا دەيٸن كونكۋرس قورىتىندىسىن شىعارىپ, ينۆەستورمەن كەلٸسٸم جاساسۋ كٶزدەلگەن.
كوميتەت باسشىسى اتاپ ٶتكەندەي, 2020 جىلى «باتىس ەۋروپا – باتىس قىتاي» دەلٸزٸ, «ششۋچينسك – پەتروپاۆل» جول ۋچاسكەسٸ, «ومبى – پاۆلودار» جەنە «نۇر-سۇلتان – قوستاناي – رف شەكاراسىنا دەيٸنگٸ جول» اقىلى بولادى.
«الدىن الا ەسەپتەۋلەر بويىنشا, اقىلى جولداردان الىمدار جىلىنا 40 ملرد تەڭگەنٸ قۇرايتىن بولادى. بۇل اۆتوموبيل جولدارىنىڭ ٶزٸن-ٶزٸ قامتۋعا كٶشۋگە مٷمكٸندٸك بەرٸپ, ينۆەستوردىڭ تٶلەماقى الۋ جٷيەسٸن ەنگٸزۋگە جۇمساعان شىعىنىن جابۋدى قامتاماسىز ەتەدٸ. وسىلايشا, جوبا ٶزٸن-ٶزٸ اقتايتىن بولادى جەنە مەملەكەتتٸك بيۋدجەتكە سالماق تٷسٸرمەيدٸ», - دەدٸ ول.
ايتا كەتەيٸك, بٷگٸنگٸ ٷكٸمەت وتىرىسىندا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ اقىلى جولداردان جىل سايىن جينالاتىن قارجى 4 ملرد تەڭگەدەن اسقانىن مەلٸم ەتكەن بولاتىن.
