2020 جىلى قازاقستاننىڭ دەنساۋلىق ساقتاۋ سالاسىنا 1,5 ترلن تەڭگە بٶلٸنەدٸ. بۇل تۋرالى قارجى مينيسترٸنٸڭ بٸرٸنشٸ ورىنباسارى بەرٸك شولپانقۇلوۆ پارلامەنت سەناتىنىڭ دەپۋتاتتارىنا 2020-2022 جىلدارعا ارنالعان رەسپۋبليكالىق بيۋدجەت جوباسىن تانىستىرۋ كەزٸندە ايتىپ ٶتتٸ, دەپ حابارلايدى قازاقپارات.
«2020-2022 جىلدارى دەنساۋلىق ساقتاۋ جٷيەسٸنە ارنالعان قارجى كٶلەمٸ – 4,7 ترلن تەڭگە. ونىڭ ٸشٸندە 2020 جىلى 1,5 ترلن تەڭگە بٶلٸنەدٸ. بۇل سوما وسى جىلدىڭ دەڭگەيٸنە قاراعاندا 298,5 ملرد تەڭگەگە جوعارى. اتالعان ٶسٸم نەگٸزٸنەن مٸندەتتٸ ەلەۋمەتتٸك مەديتسينالىق ساقتاندىرۋعا كٶشۋ جەنە مەديتسينا قىزمەتكەرلەرٸ ەڭبەكاقىسىنىڭ ۇلعايۋىنا بايلانىستى بولىپ وتىر», - دەدٸ ۆيتسە-مينيستر.
بەرٸك شولپانقۇلوۆ سونىمەن قاتار, مٷگەدەكتٸگٸ بار ادامداردى ەلەۋمەتتٸك قورعاۋدىڭ تيٸمدٸ جٷيەسٸن قۇرۋ ماقساتىندا مٷگەدەكتەر قۇقىعىن قامتاماسىز ەتۋ جەنە ٶمٸر سٷرۋ ساپاسىن جاقسارتۋ جٶنٸندەگٸ ٸس-شارالار جوسپارى ەزٸرلەنگەنٸن جەتكٸزدٸ.
«ٷش جىلدىق بيۋدجەتتە ونى ٸسكە اسىرۋعا 58,2 ملرد تەڭگە, ونىڭ ٸشٸندە 2020 جىلعا 18,9 ملرد تەڭگە بٶلۋ جوسپارلانعان», - دەدٸ ول.
ايتا كەتسەك, بٷگٸن بەرٸك شولپانقۇلوۆ پارلامەنت سەناتىنىڭ دەپۋتاتتارىنا 2020-2022 جىلدارعا ارنالعان رەسپۋبليكالىق بيۋدجەت جوباسىن تانىستىرىپ, بٸلٸم جەنە عىلىم جٷيەسٸن دامىتۋعا 2020-2022 جىلدارى 3,7 ترلن تەڭگە بٶلٸنەتٸنٸن مەلٸم ەتكەن بولاتىن.
