قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا جۇمىسپەن قامتۋدىڭ جول كارتاسىن ٸسكە اسىرۋ مەسەلەلەرٸ قارالدى. ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ەلدەگٸ قازٸرگٸ جاعداي تۋرالى بايانداما جاسادى, دەپ جازادى primeminister.kz.
مينيستردٸڭ ايتۋىنشا, كوروناۆيرۋس پاندەميياسى ەكونوميكاعا جەنە ەڭبەك نارىعىنا تەرٸس ەسەر ەتۋدە. وسىعان بايلانىستى ٷكٸمەت قابىلداپ جاتقان ماڭىزدى شارالاردىڭ بٸرٸ — جاڭا «جۇمىسپەن قامتۋدىڭ جول كارتاسى».
«باعدارلامانىڭ نەگٸزگٸ شارتتارى – قىزمەت كٶرسەتۋشٸلەردٸڭ جەنە پايدالاناتىن قۇرىلىس ماتەريالدارىنىڭ كەم دەگەندە 90%-ى وتاندىق ٶندٸرۋشٸلەر مەن مەردٸگەرلەردەن بولۋى تيٸس, قۇرىلىپ جاتقان جۇمىس ورىندارىنا جۇمىسسىز جٷرگەن, ەسٸرەسە جۇمىسسىز جاستاردىڭ كەم دەگەندە 50%-ى جۇمىسپەن قامتۋ ورتالىقتارى ارقىلى تارتىلۋى تيٸس», — دەدٸ ب. نۇرىمبەتوۆ.
جالپى ەكٸمدەر «جۇمىسپەن قامتۋدىڭ جول كارتاسى» اياسىندا 6 506 جوبانى ۇسىندى. ونىڭ ٸشٸندە 2 703 جوبا — ەلەۋمەتتٸك ينفراقۇرىلىمعا, 1 039 جوبا — تۇرعىن-ٷي شارۋاشىلىعىنا, 1 799 جوبا — ينجەنەرلٸك-كٶلٸك ينفراقۇرىلىمىنا جەنە 695 جوبا ەلدٸ مەكەندەردٸ اباتتاندىرۋعا قاتىستى.
اتالعان جوبالاردى ٸسكە اسىرۋ اياسىندا بارلىعى 255 مىڭ جۇمىس ورنى قۇرىلادى. ٸسكە اسىرىلعان جوبالار ەكونوميكانىڭ تٷرلٸ سالالارىندا 100 مىڭنان استام تۇراقتى جۇمىس ورىندارىن قۇرۋعا ىقپال ەتەدٸ.
«جول كارتاسىندا ٸرٸكتەلگەن جوبالار ۋاقىتشا جۇمىسپەن قاتار ەلەۋمەتتٸك ماڭىزدى مەسەلەلەردٸ شەشۋگە, ەكونوميكالىق تيٸمدٸلٸكتٸ ارتتىرۋعا, ارالاس سالالاردى دامىتۋعا, تۇراقتى جۇمىس ورىندارىن قۇرۋعا ىقپال ەتەدٸ», — دەپ اتاپ ٶتتٸ مينيستر.
سونىمەن قاتار, «جول كارتاسى» اياسىندا 80 جاڭا بٸلٸم بەرۋ مەكەمەسٸ سالىنادى. ٶز كەزەگٸندە, بۇل اپاتتى جەنە ٷش اۋىسىمدى مەكتەپتەردٸڭ پروبلەماسىن شەشۋگە, اۋىلداعى بالالاردىڭ بٸلٸم الۋىن قامتاماسىز ەتۋگە, مۇعالٸمدەرگە 7 مىڭ جاڭا جۇمىس ورنىن اشۋعا مٷمكٸندٸك بەرەدٸ. جاڭا وتباسىلىق دەرٸگەرلٸك امبۋلاتورييالار اۋىلدىق جەرلەردەگٸ حالىقتىڭ دەنساۋلىعىن جاقسارتۋعا, مەديتسينالىق ساقتاندىرۋ جٷيەسٸن جەتٸلدٸرۋگە, اۋىلدىق جەرلەردە دەرٸگەر-مامانداردىڭ تۇراقتى جۇمىسپەن قامتىلۋىن قامتاماسىز ەتۋگە جول اشادى.
بۇدان ٶزگە, بٸرقاتار وبلىستاردا جۇمىس ٸستەپ تۇرعان سۋارمالى كەشەندەردٸ قايتا جاڭارتۋ سۋارمالى جەرلەردٸڭ كٶلەمٸن ۇلعايتۋعا, حالىقتىڭ ەگٸنشٸلٸكپەن, مال شارۋاشىلىعىمەن اينالىسۋ مٷمكٸندٸكتەرٸن كەڭەيتۋگە جول اشادى. ەسەپ بويىنشا, اتالعان جوبالار ارالاس سالالاردا 77 مىڭ تۇراقتى جۇمىس ورنىن اشۋعا مٷمكٸندٸك بەرەدٸ.
«بارلىق 6 506 جوبانىڭ 2 410-ى رەسپۋبليكالىق بيۋدجەتتە قاراستىرىلعان قاراجات ەسەبٸنەن ٸسكە اسىرىلۋدا. 1 مامىرداعى جاعداي بويىنشا مەملەكەتتٸك ساتىپ الۋ بويىنشا كونكۋرستار اياقتالدى, 1 779 جوبا بويىنشا (نەمەسە 73,8%) مەردٸگەرلەر انىقتالدى», — دەدٸ ب. نۇرىمبەتوۆ.
بۇل باعىتتا جامبىل, شىعىس قازاقستان, پاۆلودار, قاراعاندى, الماتى, تٷركٸستان وبلىستارى الدا كەلەدٸ. بٸرقاتار ٶڭٸرلەردە 1 265 جوبا بويىنشا جۇمىس باستالدى, 17 مىڭنان استام جۇمىس ورنى قۇرىلدى, 10 332 جۇمىسشى قابىلداندى.
قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸ «جول كارتاسىن» ٸسكە اسىرۋ مونيتورينگٸنٸڭ تەتٸگٸن ەزٸرلەدٸ. ەربٸر وبلىس, قالا, اۋدان جەنە اۋىل بويىنشا ەسەپ جٷرگٸزٸلەدٸ, ەربٸر جوبا بويىنشا ونىڭ «پاسپورتى» ەزٸرلەندٸ. «پاسپورتتا» جوبانىڭ اتاۋىنان باستاپ, ونىڭ ماقساتى, قول جەتكٸزۋ تيٸستٸ تٷپكٸلٸكتٸ جوسپارلى كٶرسەتكٸشٸ, ورىندالۋ مەرزٸمٸ, مەردٸگەر تۋرالى مەلٸمەتتەر, قۇرىلاتىن جۇمىس ورىندارىنىڭ سانى, جۇمىسپەن قامتۋ ورتالىعى ارقىلى قابىلدانعانداردىڭ جالاقى مٶلشەرٸ كٶرسەتٸلەدٸ.
بٷگٸنگٸ بارلىق باعدارلامالاردىڭ ەلەۋەتٸن ەسكەرە وتىرىپ, 2020 جىلى 1 ملن 220 مىڭ ادامدى جۇمىسقا تارتۋعا مٷمكٸندٸك بار.
