شۆەد اكادەميياسى 2018 جىلى ەدەبيەت سالاسى بويىنشا نوبەل سىيلىعىن تاپسىرمايدى. اكادەمييانىڭ بۇل شەشٸمٸ نوبەل سىيلىعى سايتىندا جارييالاندى. سىيلىقتى تاپسىرۋ سوڭعى رەت 1943 جىلى كەيٸنگە قالدىرىلعان ەدٸ.
حابارلامادا بۇل شەشٸمنٸڭ باسقا سالالار بويىنشا نوبەل سىيلىعىن تابىستاۋعا ەسەر ەتپەيتٸنٸ ايتىلادى. اكادەمييا ەدەبيەت سالاسىندا 2018 جىلعى نوبەل سىيلىعى يەگەرٸنٸڭ اتى-جٶنٸ 2019 جىلعى جەڭٸمپازبەن بٸرگە جارييالاناتىنىن مەلٸمدەدٸ.
شۆەد اكادەميياسى ەدەبيەت سالاسى بويىنشا نوبەل سىيلىعىن تابىستاۋدان فرانتسۋز فوتوگرافى جان-كلود ارنوعا قاتىستى داۋعا بايلانىستى باس تارتىپ وتىر. جان-كلود ارنو - اكادەميياعا 1992 جىلى سايلانعان شۆەد اقىنى كاتارينا فروستەنسوننىڭ كٷيەۋٸ. ارنو شۆەد اكادەميياسى قارجىلاي قولداۋ كٶرسەتكەن مەدەني جوبانى باسقارعان. بۇعان دەيٸن 20 شاقتى ەيەل ونى جىنىستىق بوپسا جاسادى دەپ ايىپتاعان.
قازٸرگٸ تاڭدا بۇل سالا بويىنشا جەڭٸمپازداردى انىقتايتىن شۆەد اكادەميياسى ماماندارى ٶز ەرٸكتەرٸمەن قىزمەتٸنەن كەتكەن. سەۋٸردٸڭ ورتاسىندا اكادەمييا حاتشىسى سارا دانيۋس تا ورنىن بوساتقان بولاتىن. ولارعا "جەڭٸمپاز يەسٸن الدىن الا حابارلاپ قويدى" دەگەن ايىپ تاعىلعان. وسىعان دەيٸن رەسمي حابارلاما شىققانشا ەدەبيەت سالاسى بويىنشا نوبەل سىيلىعىن ۆيسلاۆا شيمبورسكايا (1996), ەلفريدا ەلينەك (2004), گارولد پينتەر (2005), جان-ماري گيۋستاۆ لەكلەزيو (2008), پاتريك موديانو (2014), سۆەتلانا الەكسيەۆيچ (2015) پەن بوب ديلاننىڭ (2016) الاتىنى الدىن الا ەلەمگە تاراپ كەتكەن ەدٸ. بۇعان دا كٸنەلٸلەر قاتارىندا جان-كلود ارنو بار. ارنونىڭ ٶزٸ تاعىلعان ايىپتى تەرٸستەيدٸ.
فوتوگرافتىڭ جانجالىنان سوڭ كاتارينا فروستەنسون اكادەمييا قۇرامىنان شىعارىلدى.
