تەجٸكستاننىڭ ەيەلدەر جەنە وتباسى ٸستەرٸ كوميتەتٸ دەرەگٸنشە, سيرييا مەن يراكقا كەتكەن تەجٸك ەيەلدەرٸنٸڭ 90 پايىزى ەرٸ مەن اعا-باۋىرلارىنىڭ ايتقانىمەن بارعان, قازٸر ولاردىڭ كٶبٸ قيىن جاعدايدا قالىپ, ەلگە ورالۋدىڭ امالىن تاپپاي جٷر.
رەسمي دەرەككە سەيكەس, سيرييا مەن يراكتا 200-گە جۋىق تەجٸك ەيەلٸ جٷر ەرٸ كٶبٸنٸڭ كٷيەۋٸ شايقاستا قازا تاۋىپ, جەسٸر قالعان.
تامىزدىڭ 9-ى كٷنٸ ەيەلدەر كوميتەتٸنٸڭ ٶكٸلٸ ماحبۋبا ازيموۆانىڭ ازاتتىقتىڭ تەجٸك قىزمەتٸنە ايتۋىنشا, وتباسىندا ەلگٸ ەيەلدەردٸڭ قادٸرٸ بولماعان, ولار وتباسى مٷشەلەرٸنە كٷڭ سيياقتى قىزمەت ەتٸپ, قورعانسىزدىڭ كٷيٸن كەشكەن.
«سوعىس جٷرٸپ جاتقان ايماقتارعا جالعان ٷگٸت-ناسيحاتقا ەرٸپ نەمەسە الداۋ-ارباۋ ارقىلى بارعان ەيەلدەر از. بٸراق ٶزگە ەيەلدەر ەرٸ مەن اعا-باۋىرلارىنىڭ ىرقىنان شىعا الماي كەتكەن. ال قازٸر - كٷيەۋلەرٸ قايتىس بولعاننان كەيٸن ولاردىڭ كٶبٸنٸڭ باسىنا قيىن-قىستاۋ زامان تۋعان. ولار سوعىس بولىپ جاتقان جەردەن كەتكٸسٸ كەلەدٸ, بٸراق ەندٸ ونىڭ امالىن تابۋ قيىنعا تٷسەدٸ» دەيدٸ ول.
تەجٸك ەيەلدەرٸنٸڭ كٶبٸ تاياۋ شىعىسقا حاتلون جەنە سوعدى وبلىستارىنان كەتكەنٸ انىقتالدى. مىسالى, تاياۋ شىعىسقا سوعدى وبلىسىنان كەتكەن 73 وتباسىنىڭ ٸشٸندە 80 ەيەل مەن 32 بويجەتكەن قىز بار. ال «يسلام مەملەكەتٸ» ۇيىمىنا حاتلون وبلىسىنان قوسىلعان 43 وتباسىنىڭ ٸشٸندەگٸ 47 ەيەلدٸڭ 23-ٸ - بويجەتكەن قىز.
ەكٸ جىل بۇرىن سيريياعا ەرٸمەن بٸرگە كەتكەن جاس كەلٸنشەكتەردٸڭ بٸرٸنٸڭ اناسى دجامولبي سافاروۆا ەيەلدەر ٸسٸ كوميتەتٸ دەرەكتەرٸمەن كەلٸسەدٸ. ونىڭ ايتۋىنشا, فارحور اۋدانىندا تۇرعان 28 جاستاعى قىزى وزبىر كٷيەۋٸنٸڭ تەپەرٸشٸندە ٶمٸر سٷرگەن. كٷيەۋٸ سيريياعا كەتٸپ, بٸر ايدان كەيٸن كەلٸنشەگٸن شاقىرىپ العان. بٸراق 9 اي بۇرىن ەرٸ شايقاستا مەرت بولىپ, جاس كەلٸنشەك پەن ەكٸ بالاسى قيىن جاعدايعا تاپ بولعان.
دجامولبي سافاروۆانىڭ ايتۋىنشا, كٷيەۋبالاسى قىزىنا ەۋەلٸ «تٷركيياعا جۇمىس ٸستەۋگە كەتەمٸز, بٸراق مۇنى كٸم كٶرٸنگەنگە ايتا بەرمە» دەپ ەسكەرتكەن. «بٸراق قىزىم تٷركييادان سيريياعا كەتەتٸنٸن تٷسٸنٸپ, قارسىلاسا باستاعان كەزدە كٷيەۋٸ سوققىعا جىققان. قازٸر ول ايىنا 1-2 رەت تەلەفون سوعىپ, جىلايدى. بٸراق ەندٸ ەلگە كەلە المايدى» دەيدٸ ول.
ەندٸ دجامولبي سافاروۆا ەل بيلٸگٸنەن قىزى مەن جيەندەرٸنٸڭ سيرييادان ورالۋىنا كٶمەكتەسۋدٸ سۇراپ جٷر.
بوحتار اۋدانىندا تۇراتىن اشۋرمو سايداليەۆا وتباسىنداعى جاعدايدى ايتىپ بەردٸ. ونىڭ باۋىرى ماحمادشاريف ەيەلٸ مەن ٷش بالاسىن الىپ, سيريياعا بىلتىر كەتكەن. بٸراق ونىڭ كەلٸنٸ كٷيەۋٸنەن ٶزٸ قالماي قويعان. «كەلٸنٸم سيريياداعى جاعداي تۋرالى ەشتەڭە بٸلگەن جوق, دەنٸ دۇرىس جەرگە بارا جاتىرمىن دەپ ويلاعان. ولار ەۋەلٸ تٷركيياعا, كەيٸن ول جاقتان سيريياعا كەتكەن» دەيدٸ ول. ول جٸگٸت تە سيرييادا قازا تاپقان, ال ەيەلٸ مەن بالا-شاعاسىنىڭ تاعدىرىنان حابار جوق.
تەجٸكستاندىق ەلەۋمەتتانۋشى مەرييام داۆلاتوۆا تەجٸك وتباسىلارىنىڭ كٶبٸندە قىز بالا مەن ەيەلدەردٸڭ وتباسىنداعى ەرەسەك ەر كٸسٸلەرگە تولىق تەۋەلدٸ بولاتىنىن ايتادى. ول وسىنىڭ كەسٸرٸنەن تەجٸك قىز-كەلٸنشەكتەرٸ تەۋەلسٸز ٶمٸر سٷرۋگە داعدىلانبايدى دەپ سانايدى.
مەرييام داۆلاتوۆا
«بٸزدٸڭ ەيەلدەردٸ ەر ادامعا كٷڭ سيياقتى باعىنۋعا تەربيەلەيدٸ. ولارعا ەيەل شەشٸم قابىلداپ نەمەسە بٸرەۋگە كەڭەس بەرە المايدى دەگەن ويدى سٸڭٸرٸپ تاستايدى. مۇنىڭ ەكٸ قىرى بار. بٸرٸنشٸسٸ – ەيەل شاڭىراعىن شايقالتپاۋى, ەكٸنشٸسٸ – ونىڭ ٶزٸندٸك پٸكٸرٸ بولماۋى تيٸس. سوندىقتان ەيەلدٸڭ تاڭداۋ ەركٸ جوق. بٸر جاققا بارۋ-بارماۋ جاعىن ول شەشپەيدٸ. قالاسىن, قالاماسىن, ەرٸنٸڭ ايتقانىن قالت ەتپەي ورىنداۋى تيٸس, ەر ادامدار ەيەلدەرگە تٸپتٸ قايدا بارا جاتقانىن ايتپاۋى مٷمكٸن. ال ول ەرٸنەن مۇنى تٸپتٸ سۇراي دا المايدى» دەيدٸ ەلەۋمەتتانۋشى.
ەيەلدەر ٸسٸ جٶنٸندەگٸ كوميتەت دەرەگٸنشە, تاياۋ شىعىسقا ەرٸمەن بٸرگە كەتكەن ەيەلدەردٸڭ كٶبٸنٸڭ جوعارى بٸلٸمٸ جوق.
«يسلام مەملەكەتٸ» ۇيىمى باقىلاۋىنداعى ەلدەرگە بٸر مىڭنان كٶپ تەجٸكستاندىق كەتكەن, ونىڭ ەر بەسٸنشٸسٸ – ەيەل. تۋىستارىنىڭ ايتۋىنشا, كٶبٸنٸڭ كٷيەۋٸ قازا تاپقان, ال ونىڭ ارتىندا قالعان ەيەل, بالا-شاعاسىنىڭ تاعدىرى بەيمەلٸم.
ازاتتىقتىڭ تەجٸك قىزمەتٸ تٸلشٸسٸ مۋمين احماديدٸڭ ماقالاسى ورىس تٸلٸنەن اۋدارىلدى.
ايجان ورالعازينا, ازاتتىق
