فوتو: pexels.com
Facebook-تە تاراعان ۆيدەودا بەلگٸلٸ ساياساتكەر سانجار بوقاەۆ ٷكٸمەتتٸڭ جاڭا جارلىعى تۋرالى مەلٸمدەيدٸ. قۇجاتتا ەلٸمٸزدٸڭ ەربٸر تۇرعىنى ۋران ٶندٸرٸلەتٸن جاڭا كەن ورىندارىنان 200 مىڭ تەڭگەدەن ديۆيدەند الا الادى. ول ٷشٸن kaspi.kz سايتىنا تٸركەلۋ كەرەك ەكەن. بۇل – ديپفەيك. بۇل تۋرالى Stopfake.kz حابارلادى.
فاكتچەكەرلەردٸڭ ايتۋىنشا, الاياقتار قوعام قايراتكەرٸ سانجار بوقاەۆ ەلەۋمەتتٸك جەلٸلەردە جارييالاعان روليكتەردٸڭ تٷپنۇسقاسىن پايدالانعان. جاساندى ينتەللەكتٸنٸڭ كٶمەگٸمەن ونى ٷستٸنەن جالعان داۋىسپەن دىبىستاعان.
"قر پرەزيدەنتٸ قاسىم-جومارت توقاەۆتىڭ رەسمي پورتالىندا قازاقستاندىقتارعا تٶلەنەتٸن ۋران كەن ورىندارىنان تٷسكەن پايدا تۋرالى جارلىق تا, جاڭالىق تا جوق.
مۇنداي تٶلەمدەر تۋرالى حابارلامالار قر ٷكٸمەتٸنٸڭ رەسمي سايتىندا دا جوق. ەربٸر قازاقستاندىققا تٶلەنەتٸن 200 مىڭ تەڭگە مٶلشەرٸندەگٸ ديۆيدەندتەر تۋرالى اقپارات Kaspi Bank-تٸڭ رەسمي سايتىندا دا جوق", - دەيدٸ باسىلىم تٸلشٸلەرٸ.
روليكتە كٶرسەتٸلگەن سٸلتەمە وسى الاياقتىق ٸستٸ جٷزەگە اسىرۋ ٷشٸن ەدەيٸ جاسالعان سايتقا اپارادى. ونىڭ باستى مٸندەتٸ – پايدالانۋشىنىڭ جەكە دەرەكتەرٸن ۇرلاۋ.
جۋرناليستەردٸڭ ەسكەرتۋٸنە قاراعاندا, بۇل حابارلاماعا سەنبەگەن جٶن. سانجار بوكاەۆ كٶرسەتٸلگەن ۆيدەو – ديپفەيك. بارلىق قازاقستاندىقتارعا ۋران كەن ورىندارىنان ديۆيدەندتەر تٶلەنەتٸنٸ تۋرالى جارلىق – جالعان.
