ۆيدەودان سكرينشوت
الماتىدا الاياقتاردىڭ قۇربانى بولعان 71 جاستاعى زەينەتكەر 20 ميلليون تەڭگەسٸنەن ايىرىلىپ قانا قويماي, ٶز پەتەرٸن دە ساتىپ جٸبەرۋگە مەجبٷر بولعان, دەپ حابارلايدى Ult.kz كتك ارناسىنا سٸلتەمە جاساپ.
وقيعا ٶتكەن جىلى باستالعان. بۇرىن ۋنيۆەرسيتەتتە مۇعالٸم بولىپ جۇمىس ٸستەگەن جاننات كوشيكوۆاعا الدىمەن بۇرىنعى ەرٸپتەسٸ حابارلاما جازعان. ارتىنشا ٶزٸن ۋنيۆەرسيتەتتٸڭ زاڭگەرٸمٸن دەپ تانىستىرعان ادام قوڭىراۋ شالىپ, وقۋ ورنىنىڭ دەرەكقورى بۇزىلعانىن ايتقان.
كٶپ ۇزاماي زەينەتكەرگە ٶزٸن ٸشكٸ ٸستەر مينيسترلٸگٸنٸڭ پودپولكوۆنيگٸمٸن دەپ تانىستىرعان بەلگٸسٸز ادام حابارلاسىپ, «دەپوزيتتەرٸڭٸزگە قاۋٸپ تٶنٸپ تۇر» دەپ قورقىتقان. الاياقتار ەيەلدٸ بارلىق اقشاسىن «قاۋٸپسٸز شوتقا» اۋدارۋ كەرەك دەپ سەندٸرگەن.
زەينەتكەر ولاردىڭ ايتقانىنا سەنٸپ, بانكتەن شامامەن 20 ميلليون تەڭگەنٸ شەشٸپ الىپ, كٶرسەتٸلگەن شوتتارعا اۋدارعان. بٸراق الاياقتار مۇنىمەن توقتاماي, ونى نەسيە الۋعا دا كٶندٸرگەن.
ەڭ سوراقىسى – الاياقتار زەينەتكەردٸ ٶز پەتەرٸن دە ساتۋعا مەجبٷر ەتكەن. ولار «پەتەرٸڭٸز الاياقتاردىڭ قولىنا ٶتٸپ كەتپەس ٷشٸن تەز ارادا ساتىپ جٸبەرۋ كەرەك» دەپ سەندٸرگەن. تٸپتٸ ريەلتور مەن نوتاريۋستى دا ٶزدەرٸ تاۋىپ بەرگەن.
پەتەر نارىقتىق باعادان تٶمەن – 45 ميلليون تەڭگەگە ساتىلىپ كەتكەن. ال زەينەتكەر العان اقشاسىن دا الاياقتارعا بەرٸپ قويعان.
تەك تۋىستارى ارالاسقاندا عانا ەيەل الدانعانىن تٷسٸنگەن. قازٸر زەينەتكەردٸڭ تۋىستارى پوليتسيياعا شاعىم تٷسٸرگەن. تەرگەۋ باستالعانىمەن, ٷيدٸڭ جاڭا يەسٸ پەتەردٸ بوساتۋدى تالاپ ەتٸپ وتىر.
ادۆوكاتتىڭ ايتۋىنشا, زەينەتكەر ەلەۋمەتتٸك جاعىنان وسال توپقا جاتادى جەنە ونى جىلىتۋ ماۋسىمىندا ٷيدەن شىعارۋ زاڭسىز. الايدا سوت پەتەردەن شىعارۋ تۋرالى شەشٸم شىعارعان. قازٸر قورعاۋشى جوعارعى سوتقا شاعىمدانۋعا دايىندالىپ جاتىر.
قىلمىستىق ٸس «اسا ٸرٸ كٶلەمدەگٸ الاياقتىق» بابى بويىنشا قوزعالعان. الايدا الاياقتاردى تابۋ مەن جوعالعان اقشانى قايتارۋ مٷمكٸندٸگٸ ٶتە از ەكەنٸ ايتىلدى.
