20 قاڭتاردان بەرٸ رەسپۋبليكالىق ماڭىزى بار جولداردا قار قۇرساۋىندا قالىپ قويعان 35 مىڭنان استام جولاۋشى قۇتقارىلدى. بۇل جايىندا قر ٸٸم تجك داعدارىس جاعدايلارىندا باسقارۋ ورتالىعىنىڭ ٶكٸلٸ ليۋبوۆ ابلانوۆا ايتتى, دەپ حابارلايدى "ۇلت اقپارات".
«رەسپۋبليكا اۋماعىندا اۋا رايىنىڭ ناشارلاۋىنا بايلانىستى 20 قاڭتار مەن 7 اقپان ارالىعىندا وبلىس جولدارىنداعى قولايسىز جاعدايعا تاپ بولعان 35 مىڭنان استام ادام قۇتقارىلدى. ونىڭ ٸشٸندە 370 بالا بار. 4 مىڭنان استام ەۆاكۋاتسييالاندى جەنە جولداردىڭ تازالانعان بٶلٸگٸنە 35 مىڭعا جۋىق تەحنيكا شىعارىلدى. تەك ٶتكەن تەۋلٸكتە عانا رەسپۋبليكا جولدارىندا 35 ادام, ونىڭ ٸشٸندە بٸر بالا قۇتقارىلىپ, 12 تەحنيكا قار قۇرساۋىنان شىعارىلدى», - دەدٸ ليۋبوۆ ابلانوۆا قر ٸٸم باسپاسٶز قىزمەتٸ تاراتقان ۆيدەو ماتەريالدا.
ونىڭ دەرەگٸنشە, اۋا رايىنىڭ ناشارلاۋىنا بايلانىستى رەسپۋبليكا جولدارىندا قالىپتاسقان جاعدايعا دەن قويۋ ٷشٸن ازاماتتىق قورعاۋ كٷشتەرٸ مەن تەحنيكالارى جاۋىنگەرلٸك دايىندىققا كەلتٸرٸلدٸ. بٷگٸنگٸ تاڭدا اۋا رايىنىڭ قولايسىزدىعىنا جەنە جولداردى قاردان تازالاۋعا بايلانىستى اقمولا, شىعىس قازاقستان, قوستاناي, سولتٷستٸك قازاقستان وبلىستارىندا 28 جول ۋچاسكەسٸ جابىق.
«ونىڭ 4-ەۋٸ رەسپۋبليكالىق جەنە 24-ٸ وبلىستىق ماڭىزى بار جول. قار قۇرساۋىندا قالعان ادامداردى قۇتقارۋ جەنە ەۆاكۋاتسييالاۋ بويىنشا شەشٸمدٸ جەدەل قابىلداۋ نەتيجەسٸندە ٷسٸك شالۋعا جەنە ادامداردىڭ قازا تابۋىنا جول بەرٸلگەن جوق», - دەدٸ ورتالىق ٶكٸلٸ.
