فوتو: canva
ينتەرنەتتە 2 تامىزدا بٷكٸل ەلەم 6 مينۋتقا قاراڭعىلىققا شومادى دەگەن اقپارات تارادى, دەپ جازادى inbusiness.kz سايتى Space باسىلىمىنا سٸلتەمە جاساپ.
مۇنداي قۇبىلىس تاعى 100 جىل بويى قايتالانبايدى دەگەن دە بولجام بار. بۇل حابارلاما شىندىققا بٸرشاما جاقىن بولعانىمەن, كەي تۇستارى ناقتى عىلىمي دەرەكپەن سەيكەس كەلمەيدٸ.
2027 جىلدىڭ 2 تامىزى – استرونومييا تاريحىنداعى ەرەكشە كٷن بولماق. بۇل كٷنٸ XXI عاسىرداعى ەڭ ۇزاق تولىق كٷن تۇتىلۋى تٸركەلەدٸ.
استرونومداردىڭ ەسەبٸ بويىنشا, اي كٷندٸ تولىق جاباتىن كەزەڭ 6 مينۋت 22 سەكۋندقا سوزىلادى. بۇل – جەردەن باقىلاۋعا بولاتىن ەڭ ۇزاق تٷنەك سەتتەرٸنٸڭ بٸرٸ.
سالىستىرساق, 2024 جىلدىڭ سەۋٸرٸندە سولتٷستٸك امەريكادا ٶتكەن تولىق كٷن تۇتىلۋى ەڭ ۇزاق دەگەندە 4 مينۋت 28 سەكۋندقا عانا جەتكەن ەدٸ.
تۇتىلۋدىڭ تولىق فازاسى 258 شاقىرىمدىق جٸڭٸشكە جولاقپەن ٶتەدٸ. بۇل جولاق يسپانييانىڭ وڭتٷستٸگٸنەن باستالىپ, گيبرالتار, سولتٷستٸك افريكا ەلدەرٸ – ماروككو, الجير, تۋنيس, ليۆييا, مىسىر ارقىلى ٶتٸپ, تاياۋ شىعىسقا – ساۋد ارابيياسى, يەمەنگە, ەرٸ قاراي سومالي مەن سۋدان اۋماعىنا جەتەدٸ. وسى 11 ەلدٸڭ تۇرعىندارى اسپان نۇرىنىڭ كٶزدەن تاسا بولعان سەتٸن تولىقتاي تاماشالاي الادى.
كٷن تۇتىلۋدىڭ جارتىلاي فازاسى افريكانىڭ كٶپ بٶلٸگٸندە, وڭتٷستٸك ازييا مەن ەۋروپانىڭ كەيبٸر ٶڭٸرلەرٸندە كٶرٸنەدٸ. الايدا باسقا قۇرلىقتاردا بۇل قۇبىلىس بايقالمايدى. دەمەك, "بٷكٸل ەلەمگە قاراڭعىلىق تٷسەدٸ" دەگەن تٷسٸنٸك شىندىققا سەيكەس كەلمەيدٸ. بۇل – جەردٸڭ گەوگرافييالىق ورنالاسۋىنا جەنە كٷن مەن ايدىڭ وربيتالىق قوزعالىسىنا بايلانىستى.
عالىمدار ەرەكشە استرونومييالىق قۇبىلىستى ٶز كٶزٸمەن كٶرگٸسٸ كەلەتٸن جاندارعا الدىن الا دايىندالۋعا كەڭەس بەرەدٸ. ەسٸرەسە تۇتىلۋ جولاعىندا ورنالاسقان ٶڭٸرلەردە اۋا رايىنىڭ قولايلى بولۋىن باقىلاپ, ارنايى قورعانىش ەينەكتەر نەمەسە كٷن فيلترلەرٸ ارقىلى قاراۋ قاجەت. كٷنگە تٸكەلەي قاراۋ – كٶرۋ قابٸلەتٸنە زاقىم كەلتٸرۋٸ مٷمكٸن.
2027 جىلعى تولىق كٷن تۇتىلۋى – تەك استرونوميياعا قىزىعۋشىلار ٷشٸن عانا ەمەس, بٷكٸل ادامزات ٷشٸن بٸرەگەي عىلىمي ەرٸ تابيعي قۇبىلىس بولماق.
