فوتو: تجم باسپاسٶز قىزمەتٸ
ورال قالاسى ەكٸمدٸگٸ قاۋٸپتٸ اۋماق تۇرعىندارىنا كٶشۋگە دايىن بولۋ كەرەكتٸگٸن ەسكەرتتٸ. مامانداردىڭ ايتۋىنشا, رەسەي فەدەراتسيياسىنان سۋدىڭ مول كٶلەمٸ 2-3 كٷندە قالاعا جەتەدٸ. قاۋٸپتٸ دەڭگەي 8,5 مەتر بولسا, قازٸر جايىقتىڭ دەڭگەيٸ 8 مەترگە جۋىقتادى.
سۋ تاسقىنىنا قارسى جۇمىسقا جەرگٸلٸكتٸ اتقارۋشى ورگاننىڭ جەنە تٶتەنشە جاعداي قىزمەتٸنٸڭ بارلىق رەسۋرسى تارتىلدى. قازٸر 350 ارنايى تەحنيكا, 2 مىڭعا جۋىق ادام تاسقىنعا توسقاۋىل قويۋعا جۇمىلدىرىلعان. سونداي-اق ٶزگە ٶڭٸرلەردەن, وبلىس اۋداندارىنان كەلگەن ەسكەري قىزمەتشٸلەر, تٶتەنشەلٸكتەر جەنە ەرٸكتٸلەر بۇل جۇمىسقا بەلسەنە اتسالىسىپ جاتىر.
"ەڭ باستىسى - ادامداردىڭى اماندىعى. سوندىقتان جايىق جايىلىمىنداعى ساياجايلاردىڭ, سۋ باسۋ قاۋپٸ جوعارى كۋرەني, ستاريتسا, كومينتەرن اۋداندارىنىڭ تۇرعىندارى كٶشۋٸ قاجەت. سۋدىڭ مول كٶلەمٸ كەز كەلگەن ۋاقىتتا جەتٸپ, ٷيٸڭٸزدٸ سۋ باسۋى مٷمكٸن. ٶزٸڭٸزدٸڭ جەنە جاقىن ادامدارىڭىزدىڭ ٶمٸرٸن قاۋٸپكە تٸكپەي, شۇعىل تٷردە تۋما-تۋىس, دوستارىڭىزدىڭ ٷيٸنە ورنالاسىڭىز. ۋاقىتشا باراتىن ٷي بولماسا, قالادا ەۆاكۋاتسييالىق پۋنكتتەر جاساقتالعان. ولار تۇرعىنداردى كٷنٸ-تٷنٸ ٷزدٸكسٸز قابىلدايدى. سۇراقتار بويىنشا قالالىق شتابقا 8-711-2-24-05-70 جەنە 24-01-94 تەلەفون نٶمٸرلەرٸ ارقىلى حابارلاسۋعا بولادى. ەۆاكۋاتسييانى قازٸردەن باستاڭىز!", - دەپ حابارلادى ەكٸمدٸكتەگٸلەر.
