مەملەكەت باسشىسى قاسىم-جومارت توقاەۆتىڭ باستاماسى بويىنشا 18 جاسقا تولعانعا دەيٸن بالالاردىڭ ەسەپشوتىندا قانشا اقشا جينالۋى مٷمكٸن ەكەنٸ ايتىلدى. بۇل تۋرالى پرەزيدەنتتٸڭ باسپاسٶز حاتشىسى رۋسلان جەلدٸباي Facebook-پاراقشاسىندا جازدى, - دەپ حابارلايدى "ۇلت اقپارات".
"پرەزيدەنتتٸڭ باستاماسىمەن بالالار جىلىنىڭ اياسىندا «ۇلتتىق قور – بالالارعا» اتتى جاڭا باعدارلاما ٸسكە قوسىلادى. وعان سەيكەس, 2024 جىلدان باستاپ ۇلتتىق قوردىڭ جىل سايىنعى ينۆەستيتسييالىق تابىسىنىڭ 50 پايىزى بالالار 18 جاسقا تولعانعا دەيٸن ولاردىڭ ارناۋلى جيناقتاۋشى ەسەپشوتىنا اۋدارىلادى.
جيناقتالعان قارجى بالالار كەمەلەت جاسىنا تولعاننان كەيٸن ولاردىڭ باسپانا نەمەسە بٸلٸم الۋىنا جۇمسالادى.
ٷكٸمەت پەن ۇلتتىق بانكتٸڭ ەسەبٸ بويىنشا ەلٸمٸزدە جىل سايىن 400 مىڭ سەبي دٷنيەگە كەلەدٸ. ەر بالا 18 جاسقا تولعانشا ولاردىڭ ەسەپشوتىندا كەمٸ 3 مىڭ اقش دوللارىنا تەڭ قاراجات جينالادى" - دەپ جازدى ول.
