فوتو: اشىق دەرەككٶز
اباي وبلىسىندا سوت ٶرت كەزٸندە قازا تاپقاندار تۋرالى جالعان اقپارات تاراتقان تۇرعىندى ەكٸمشٸلٸك جاۋاپكەرشٸلٸككە تارتتى, دەپ حابارلايدى Ult.kz.
وقيعا 2026 جىلعى 3 ناۋرىزدا سەمەي قالاسىنداعى «Balapark» بالالار ويىن-ساۋىق ورتالىعىندا بولعان ٶرتكە قاتىستى. ارنايى قىزمەتتەردٸڭ جەدەل ەرەكەتٸنٸڭ ارقاسىندا ادام شىعىنىنا جول بەرٸلمەگەن.
الايدا قالا تۇرعىنى Instagram ەلەۋمەتتٸك جەلٸسٸندەگٸ پابليكتەردٸڭ بٸرٸندە ٶرت سالدارىنان 18 ادامنىڭ قازا تاپقانى تۋرالى جالعان اقپارات جارييالاعان. بۇل مەلٸمەت تۇرعىندار اراسىندا الاڭداۋشىلىق تۋعىزۋى مٷمكٸن بولعان.
قۇقىق قورعاۋ ورگاندارى كٷدٸكتٸنٸڭ جەكە باسىن جەدەل انىقتاپ, وعان قاتىستى ەكٸمشٸلٸك ٸس قوزعادى. سوت وتىرىسىندا ول ٶز كٸنەسٸن تولىق مويىنداعان.
2026 جىلعى 18 ناۋرىزداعى سوت قاۋلىسىمەن قۇقىق بۇزۋشى ەكٸمشٸلٸك قۇقىق بۇزۋشىلىق تۋرالى كودەكستٸڭ 456-2-بابى 3-بٶلٸگٸ بويىنشا 86 500 تەڭگە كٶلەمٸندە ايىپپۇلعا تارتىلدى. قاۋلى ەلٸ زاڭدى كٷشٸنە ەنگەن جوق.
اباي وبلىسىنىڭ پروكۋراتۋراسى تٶتەنشە جاعدايلار كەزٸندە جالعان اقپارات تاراتۋ زاڭمەن تىيىم سالىناتىنىن جەنە جاۋاپكەرشٸلٸككە ەكەلەتٸنٸن ەسكەرتتٸ.
