Foto: ashyq derekkóz
Abai oblysynda sot órt kezinde qaza tapqandar týraly jalǵan aqparat taratqan turǵyndy ákimshilik jaýapkershilikke tartty, dep habarlaidy Ult.kz.
Oqiǵa 2026 jylǵy 3 naýryzda Semei qalasyndaǵy «Balapark» balalar oiyn-saýyq ortalyǵynda bolǵan órtke qatysty. Arnaiy qyzmetterdiń jedel áreketiniń arqasynda adam shyǵynyna jol berilmegen.
Alaida qala turǵyny Instagram áleýmettik jelisindegi pablikterdiń birinde órt saldarynan 18 adamnyń qaza tapqany týraly jalǵan aqparat jariialaǵan. Bul málimet turǵyndar arasynda alańdaýshylyq týǵyzýy múmkin bolǵan.
Quqyq qorǵaý organdary kúdiktiniń jeke basyn jedel anyqtap, oǵan qatysty ákimshilik is qozǵady. Sot otyrysynda ol óz kinásin tolyq moiyndaǵan.
2026 jylǵy 18 naýryzdaǵy sot qaýlysymen quqyq buzýshy Ákimshilik quqyq buzýshylyq týraly kodekstiń 456-2-baby 3-bóligi boiynsha 86 500 teńge kóleminde aiyppulǵa tartyldy. Qaýly áli zańdy kúshine engen joq.
Abai oblysynyń prokýratýrasy tótenshe jaǵdailar kezinde jalǵan aqparat taratý zańmen tyiym salynatynyn jáne jaýapkershilikke ákeletinin eskertti.
