17 تامىز كٷنٸ ەل اۋماعىنىڭ باسىم بٶلٸگٸندە كٷن اشىق, تەك شىعىستا اۋا اعىندارىنىڭ ەسەرٸنەن نايزاعاي جارقىلداپ, جاڭبىر جاۋادى, دەپ حابارلايدى "ۇلت اقپارات" قازگيدرومەتكە سٸلتەمە جاساپ.
رەسپۋبليكا بويىنشا كەي جەرلەردە جەل كٷشەيەدٸ, وڭتٷستٸك-شىعىستا بۇرشاق, شاڭدى داۋىل كٷتٸلەدٸ, سولتٷستٸك پەن شىعىستا تٷنگٸ جەنە تاڭعى ساعاتتاردا تۇمان تٷسۋٸ ىقتيمال.
كٷندٸز شىعىس قازاقستان وبلىسىنىڭ شىعىسىندا نايزاعاي جارقىلدايدى, كەي جەرلەرٸندە جەل 15-20 م/س كٷشەيەدٸ, تٷندە جەنە تاڭەرتەڭ تۇمان تٷسەدٸ.
كٷندٸز پاۆلودار وبلىسىنىڭ باتىسى, وڭتٷستٸك-باتىسىندا جەلدٸڭ جىلدامدىعى 18 م/س جەتەدٸ.
جامبىل وبلىسىنىڭ تاۋلى اۋداندارىندا تٷندە نايزاعاي, بۇرشاق, كەي جەرلەرٸندە شاڭدى داۋىل كٷتٸلەدٸ, جەل 15-20 م/س كٷشەيەدٸ.
الماتى وبلىسىنىڭ تاۋلى اۋداندارىندا نايزاعاي جارقىلدايدى.
تٷركٸستان وبلىسى, كٷندٸز قىزىلوردا وبلىسىنىڭ كەي جەرلەرٸندە جەل 15-20 م/س كٷشەيەدٸ. كٷندٸز قاراعاندى وبلىسىنىڭ سولتٷستٸگٸندە نايزاعاي كٷتٸلەدٸ. تٷندە جەنە تاڭەرتەڭ سولتٷستٸك قازاقستان وبلىسىنىڭ كەي جەرلەرٸندە تۇمان تٷسۋٸ ىقتيمال.
كٷندٸز اتىراۋ وبلىسىندا ٶتە قاتتى ىستىق ساقتالادى, باتىس قازاقستان, اقتٶبە وبلىستارىنىڭ باسىم بٶلٸگٸندە, ماڭعىستاۋ, قوستاناي وبلىستارىنىڭ وڭتٷستٸگٸندە اپتاپ ىستىق بولادى.
قىزىلوردا, تٷركٸستان, ماڭعىستاۋ, اتىراۋ, جامبىل, اقتٶبە, باتىس قازاقستان, الماتى وبلىستارىنىڭ باسىم بٶلٸگٸندە, قاراعاندى وبلىسىنىڭ كەي جەرلەرٸندە, قوستاناي, شىعىس قازاقستان وبلىستارىنىڭ وڭتٷستٸگٸندە, اقمولا وبلىسىنىڭ جەكەلەگەن اۋداندارىندا ٶرت قاۋپٸ ساقتالادى.
