«جوو ٷزدٸك وقىتۋشىسى – 2020» بايقاۋىنىڭ جەڭٸمپازدارى ماراپاتتالدى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
ەلٸمٸزدٸڭ 46 جوعارى وقۋ ورنىنان 150 ادام «جوعارى وقۋ ورنىنىڭ ٷزدٸك وقىتۋشىسى» اتاعىنا يە بولدى. ولاردىڭ ەرقايسىسى 5 834 000 تەڭگە (2000 اەك) كٶلەمٸندە گرانت جەڭٸپ الدى.
ٷمٸتكەرلەردٸ ٸرٸكتەۋ جەنە قۇجاتتاردى تەكسەرۋ رەسٸمٸ العاش رەت اقپاراتتىق جٷيەنٸڭ كٶمەگٸمەن ونلاين فورماتتا ٶتكٸزٸلدٸ. بايقاۋعا قاتىسۋشىلاردىڭ قىزمەتٸ وقىتۋ ساپاسى مەن عىلىمي-زەرتتەۋ جەتٸستٸكتەرٸ بويىنشا باعالاندى. بايقاۋ نەتيجەلەرٸ مينيسترلٸكتٸڭ سايتىنا ورنالاستىرىلدى.
رەسپۋبليكالىق ساراپشىلار توبى ەربٸر قۇجاتتىڭ سەيكەستٸگٸن مۇقييات تەكسەردٸ. سونداي-اق كوميسسييا قۇرامىنا قر بعم «Adal Bilim» سىبايلاس جەمقورلىققا قارسى ٸس-قيمىل جٶنٸندەگٸ جوبالىق كەڭسەسٸنٸڭ ٶكٸلدەرٸ, عالىمدار مەن وقىتۋشىلار, سونىڭ ٸشٸندە «جوعارى وقۋ ورنىنىڭ ٷزدٸك وقىتۋشىسى» بايقاۋىنىڭ ٶتكەن جىلدارداعى جەڭٸمپازدارى كٸردٸ.
مينيستر بٸلٸم جەنە عىلىم جٷيەسٸ ٷشٸن مۇنداي بايقاۋلاردىڭ اشىق تٷردە ٶتۋٸ ماڭىزدى ەكەندٸگٸن ەرەكشە اتاپ ٶتتٸ.
«پاندەمييا كەزٸندە ەلٸمٸزدٸڭ جوعارى بٸلٸم بەرۋ جٷيەسٸ ماڭىزدى سىناقتان ٶتٸپ, جوو-لاردىڭ جۇمىسى جاقسى دەڭگەيدە ۇيىمداستىرىلدى. وسى رەتتە سىن-قاتەرلەردٸ مٷمكٸندٸك رەتٸندە قابىلداۋعا تيٸسپٸز. قانداي دا بٸر قيىندىقتار مەن قولايسىزدىققا قاراماستان, قازاقستاندىق وقىتۋشىلار بۇل جاعدايعا تەز بەيٸمدەلدٸ. بٷگٸنگٸ تاڭدا بٸزدٸڭ الدىمىزدا وقىتۋشىنىڭ بەدەلٸن ارتتىرۋ, ەڭبەك جٷكتەمەسٸن ازايتۋ, ەڭبەكاقىنى كٶبەيتۋ, وقىتۋشىلاردى ٶزٸنە تەن ەمەس فۋنكتسييالارعا تارتۋعا جول بەرمەۋ بويىنشا جەنە ەلٸمٸزدٸڭ پرەزيدەنتٸ قاسىم-جومارت توقاەۆ ايقىنداعان باسقا دا بٸرقاتار ماڭىزدى مٸندەت تۇر», – دەدٸ مينيستر اسحات ايماعامبەتوۆ.
كونكۋرسقا رەسپۋبليكانىڭ 73 جوعارى وقۋ ورنىنان 623 ٷمٸتكەر قاتىستى.
