فوتو: e-history.kz
بٷگٸن – قازاق جاستارى ٷشٸن ەرەكشە كٷن. 15 سەۋٸر ەلٸمٸزدە قوزى كٶرپەش – بايان سۇلۋ كٷنٸ, ياعني ۇلتتىق عاشىقتار كٷنٸ رەتٸندە اتالىپ ٶتەدٸ, دەپ حابارلايدى Ult.kz.
بۇل مەرەكە 2011 جىلدان باستاپ كەڭٸنەن تانىمال بولا باستادى. ول باتىستان ەنگەن ەۋليە ۆالەنتين كٷنٸنە بالاما رەتٸندە ۇسىنىلعان. ال بۇل يدەيانى العاش رەت 1999 جىلى قوعام قايراتكەرٸ دارحان مىڭباي كٶتەرگەن.
قازٸر بۇل كٷن رەسمي تٷردە بەكٸتٸلمەسە دە, جاستار اراسىندا كەڭٸنەن تويلانادى. عاشىقتار بٸر-بٸرٸن قۇتتىقتاپ, سىيلىقتار جاساپ, تٷرلٸ مەرەكەلٸك شارالار ۇيىمداستىرادى.
قوزى كٶرپەش – بايان سۇلۋ – قازاق حالقىنىڭ ەڭ كٶرنەكتٸ ليرو-ەپوستىق جىرلارىنىڭ بٸرٸ. بۇل تۋىندى XIII–XIV عاسىرلاردان بەرٸ ايتىلىپ, XIX عاسىردا قاعازعا تٷسٸرٸلگەن.
جىردا بٸر-بٸرٸنە قوسىلا الماعان قوس عاشىقتىڭ قايعىلى تاعدىرى باياندالادى. قوزى مەن بايان ماحاببات جولىندا تالاي سىناقتان ٶتەدٸ. الايدا زۇلىم قوداردىڭ كەسٸرٸنەن قوزى قازا تابادى. سٷيٸكتٸسٸنەن ايىرىلعان بايان كەك الىپ, سوڭىندا ٶز ٶمٸرٸن دە قۇربان ەتەدٸ.
ولاردىڭ ماحابباتى – ادالدىقتىڭ, تازالىقتىڭ جەنە قۇرباندىقتىڭ سيمۆولى رەتٸندە حالىق جادىندا مەڭگٸ ساقتالعان.
قوزى مەن بايانعا ارنالعان كەسەنە قوزى كٶرپەش – بايان سۇلۋ مازارى ەلٸمٸزدٸڭ شىعىسىنداعى اياگٶز ٶڭٸرٸندە ورنالاسقان. بيٸكتٸگٸ شامامەن 12 مەتر بولاتىن بۇل تاريحي ەسكەرتكٸش عاسىرلار بويى ساقتالىپ كەلەدٸ.
1982 جىلى كەسەنە مەملەكەت قورعاۋىنا الىنىپ, تاريحي-مەدەني مۇرالار تٸزٸمٸنە ەنگٸزٸلدٸ. ال 2013 جىلى اياگٶز قالاسىندا قوس عاشىققا ارناپ ەسكەرتكٸش ورناتىلدى.
بٷگٸنگٸ كٷن – تەك ماحاببات مەرەكەسٸ عانا ەمەس, ۇلتتىق قۇندىلىقتار مەن شىنايى سەزٸمنٸڭ قادٸرٸن ەسكە سالاتىن ەرەكشە داتا.
