فوتو: azattyq-ruhy.kz
سەمەي قالاسىنىڭ تۇرعىندارىنا اۋىلعا كٶشۋ ۇسىنىلۋدا. وسى ماقساتتا جەرگٸلٸكتٸ بيلٸك «قالادان – اۋىلعا» اتتى پيلوتتىق جوبانى ٸسكە قوستى, دەپ حابارلايدى Ult.kz «24KZ» تەلەارناسىنا سٸلتەمە جاساپ.
جوبانىڭ نەگٸزگٸ ماقساتى – اۋىلدىق اۋماقتاردى دامىتۋ, كادر تاپشىلىعىن ازايتۋ جەنە شالعاي ەلدٸ مەكەندەرگە قالا تۇرعىندارىن تارتۋ.
قالانىڭ قاربالاس تٸرشٸلٸگٸن اۋىلدىڭ تىنىش ٶمٸرٸنە اۋىستىرعىسى كەلەتٸندەرگە ەكٸمدٸك تاراپىنان قولداۋ كٶرسەتٸلەدٸ.
وتباسىلارعا باستاپقى جارنا رەتٸندە 1,5 ميلليون تەڭگەگە دەيٸن قاراجات بٶلٸنەدٸ, سونداي-اق كەسٸپ اشۋعا نەمەسە مال شارۋاشىلىعىمەن اينالىسۋعا كٶمەك بەرٸلەدٸ. كەسٸپكەرلەرگە 6 پايىزدىق مٶلشەرلەمەمەن 10 جىلعا دەيٸنگٸ مەرزٸمگە جەڭٸلدەتٸلگەن نەسيە مەن گرانتتار قاراستىرىلعان.
ەركەبۇلان كەڭەسبەكۇلى, اباي اۋدانى مەدەۋ اۋىلدىق وكرۋگٸنٸڭ ەكٸمٸ:
"بٸز مەكتەپ جاسىنداعى بالالارى بار وتباسىلاردى شاقىرامىز. ولارعا باسپانا, 10 سيىر جەنە بٸر جىلقى بەرەمٸز. تۇراقتى جۇمىسپەن قامتاماسىز ەتەمٸز".
نۇرلان نازارحانوۆ, كٶكپەكتٸ اۋدانى شۇعىلباي اۋىلدىق وكرۋگٸنٸڭ ەكٸمٸ:
"جەر رەسۋرستارى جەتكٸلٸكتٸ. ەڭبەك ەتۋگە نيەتتٸ ازاماتتارعا قاجەتتٸ قولداۋ كٶرسەتەمٸز. ٶتكەن جىلى بٸزگە ەكٸ وتباسى كٶشٸپ كەلدٸ. بۇل – سوڭعى 10 جىلدا جاڭا تۇرعىندار بولماعانىن ەسكەرسەك, ٷلكەن وقيعا".
بٷگٸندە اباي وبلىسى اۋماعىندا 600 مىڭنان استام ادام تۇرادى, ونىڭ 222 مىڭى اۋىلدىق جەردە ٶمٸر سٷرەدٸ. بيلٸك ٶكٸلدەرٸ بۇل باعىتتا ٶسٸم ەلەۋەتٸ جوعارى دەپ سانايدى. جوبانىڭ مٸندەتٸ – اۋىل حالقىنىڭ سانىن ساقتاپ قانا قويماي, ونى ارتتىرۋ جەنە اۋىلدى كٶشۋگە تارتىمدى ەتۋ.
بەريك ۋەلي, اباي وبلىسىنىڭ ەكٸمٸ:
"اۋىلداردىڭ دامۋ ەلەۋەتٸن ارتتىرىپ, اۋىل تۇرعىندارىنىڭ ٶمٸر ساپاسىن جاقسارتۋ جەنە ەلدٸ مەكەندەردٸ جاڭعىرتۋ قاجەت. مٸندەتتەر اۋقىمدى, بٸراق بٸزدە رەسۋرستار دا, ورتاق نەتيجەگە ۇمتىلىس تا بار".
«قالادان – اۋىلعا» جوباسى 2028 جىلعا دەيٸن جٷزەگە اسىرىلادى. بيلٸك اۋىل ەكونوميكاسىن نىعايتىپ, جاڭا جۇمىس ورىندارىن اشۋدى كٶزدەپ وتىر. اۋدان ەكٸمدەرٸنە باستامانى ٸس جٷزٸندە تيٸمدٸ ٸسكە اسىرۋ مٸندەتٸ جٷكتەلگەن.
