فوتو: Pixabay.com
پاۆلودار وبلىسىندا پايداكٷنەمدٸك ماقساتپەن ەيەلٸن ٶلتٸرگەن ەر ادامعا سوت ٷكٸمٸ شىقتى. قىلمىسقا 125 ميلليون تەڭگەدەن اساتىن كەسٸپورىن سەبەپ بولعان, ال ەرلٸ-زايىپتى مٷلٸككە بايلانىستى ۇزاق ۋاقىت جانجال جاساعان, دەپ حابارلايدى Ult.kz.
سوت مەلٸمەتٸنشە, ەيەل اجىراسۋعا شەشٸم قابىلداعان. جشس ونىڭ اتىنا تٸركەلگەندٸكتەن, ەر ادام مٷلٸككە قول جەتكٸزە المايتىنىن بٸلٸپ, ماتەريالدىق قاۋٸپ دەپ ساناعان.
2024 جىلدىڭ تامىزىندا ول ەيەلٸن ٶزەنگە اپارىپ, قايىق شەتٸندە وتىرعان سەتتە ەدەيٸ تەربەتكەن. ەيەل تەپە-تەڭدٸگٸن جوعالتقاننان كەيٸن سۋعا قۇلاپ, ەر ادام ونى شاشىنان تارتىپ سۋ استىندا ۇستاپ تۇرعان. سالدارىنان ەيەل وقيعا ورنىندا تۇنشىعىپ كٶز جۇمعان.
سوتتا ايىپتالۋشى كٸنەسٸن مويىنداماي, اقتاۋ ٷكٸمٸن سۇراعانىمەن, سوت ونى كٸنەلٸ دەپ تانىپ, 15 جىلعا باس بوستاندىعىنان ايىرۋ جازاسىن تاعايىندادى. جازاسىن ورتاشا قاۋٸپسٸزدٸك مەكەمەسٸندە ٶتەيدٸ.
