Foto: Pixabay.com
Pavlodar oblysynda paidakúnemdik maqsatpen áielin óltirgen er adamǵa sot úkimi shyqty. Qylmysqa 125 million teńgeden asatyn kásiporyn sebep bolǵan, al erli-zaiypty múlikke bailanysty uzaq ýaqyt janjal jasaǵan, dep habarlaidy Ult.kz.
Sot málimetinshe, áiel ajyrasýǵa sheshim qabyldaǵan. JShS onyń atyna tirkelgendikten, er adam múlikke qol jetkize almaitynyn bilip, materialdyq qaýip dep sanaǵan.
2024 jyldyń tamyzynda ol áielin ózenge aparyp, qaiyq shetinde otyrǵan sátte ádeii terbetken. Áiel tepe-teńdigin joǵaltqannan keiin sýǵa qulap, er adam ony shashynan tartyp sý astynda ustap turǵan. Saldarynan áiel oqiǵa ornynda tunshyǵyp kóz jumǵan.
Sotta aiyptalýshy kinásin moiyndamai, aqtaý úkimin suraǵanymen, sot ony kináli dep tanyp, 15 jylǵa bas bostandyǵynan aiyrý jazasyn taǵaiyndady. Jazasyn ortasha qaýipsizdik mekemesinde óteidi.
