"ريو-دە جانەيرو قالاسىندا ٶتٸپ جاتقان وليمپيادا ويىندارىندا اۋىر اتلەتيكادان 24 جاستاعى قازاقستاندىق الەكساندر زايچيكوۆ 105 كيلوگرامم سالماق دەرەجەسٸندە قولا مەدال جەڭٸپ الدى", - دەپ حابارلايدى "ۇلت اقپارات".
2015 جىلى ەلەم چەمپيونى بولعان وتانداسىمىز قوسسايىس قورىتىندىسى بويىنشا 416 كيلوگرامم (193+223) كٶتەرٸپ, وليمپياداداعى ٶزٸنٸڭ تۇڭعىش مەدالٸن يەلەندٸ.
بۇل سىندا ٶزبەك سپورتشىسى رۋسلان نۋريددينوۆ التىن مەدالدٸ جەڭٸپ الدى. ول قوسسايىستا 431 (194+237) كەلٸنٸ كٶتەرٸپ, وليمپيادا رەكوردىن جاڭارتتى. كٷمٸس ارميان سپورتشىسى سيمون مارتيروسيانعا (190+227) بۇيىردى.
ەستەرٸڭٸزگە سالا كەتەيٸك, وسىعان دەيٸن اۋىر اتلەتيكادان 62 كەلٸ سالماق دەرەجەسٸندە فارحاد حاركي قولا مەدال ەنشٸلەسە, 77 كەلٸ سالماقتا ٶنەر كٶرسەتەتٸن وتانداسىمىز نيجات راحيموۆ التىن جٷلدەنٸ يەلەندٸ. ەيەلدەر اراسىندا 63 كەلٸ سالماق دەرەجەسٸندە باق سىناعان كارينا گوريچەۆا قولا مەدالدٸ مٸسە تۇتسا, قازاق قىزى جازيرا جاپپارقۇل كٷمٸس جٷلدەنٸ ەنشٸلەدٸ.
