"تٷركييا پرەزيدەنتٸ رەجەپ تايىپ ەردوعان اقش-تا تۇراتىن دٸن قايراتكەرٸ فەتحۋلل گٷلەندٸ مەملەكەتتٸك تٶڭكەرٸس جاساۋعا ەرەكەتتەندٸ دەپ تاعى دا ايىپتادى. 7 تامىزدا ستامبۋلدا مىڭداعان ادام قاتىسقان ميتينگتە سٶيلەگەن ەردوعان "گٷلەن ۇيىمداستىرعان جەلٸنٸ" بۇزۋعا شاقىرىپ, ەگەر پارلامەنت قولداسا, ەلدە ٶلٸم جازاسىن قالپىنا كەلتٸرۋگە ۋەدە بەردٸ", - دەپ حاباررلايدى ۇلت.كز تٸلشٸسٸ ازاتتىققا سٸلتەمە جاساپ.
ستامبۋلدەگٸ ميتينگٸگە دەيٸن تٷركييانىڭ بٸرنەشە قالاسىندا ەردوعاندى قولداعان دەمونستراتسييالار ٶتكەن. ستامبۋلدان جٷرگٸزٸلگەن تەلەرەپورتاجعا قاراعاندا, اكتسيياعا قاتىسقاندار تٷركييا تۋلارىن ارلى-بەرلٸ بۇلعاپ, ەردوعاننىڭ ەموتسيياعا تولى سٶزٸن بايسالدى قابىلداعان. ەردوعان سٶيلەگەن ساحنانىڭ الدىڭعى قاتارىندا وتىرعان گەنەرالداردان دا اشىق ەموتسييا بايقالمايدى.
باتىستىق اقپارات اگەنتتٸكتەرٸ ستامبۋلداعى "دەموكراتييا مەن ازاپ شەگۋشٸلەر" دەپ اتالاتىن ميتينگ شٸلدەدە بولعان مەملەكەتتٸك تٶڭكەرٸس جاساۋ ەرەكەتٸن ايىپتاپ, ەردوعانعا قولداۋ بٸلدٸرۋ ٷشٸن ٶتكٸزٸلگەن دەيدٸ.
15 شٸلدەدە تٷركييادا تٶڭكەرٸس جاساۋ ەرەكەتٸ سالدارىنان 270-تەن استام ادام قازا تاپقان. بۇدان سوڭ بٸرنەشە كٷن ٸشٸندە بيلٸك 18 مىڭعا تارتا ادامدى ۇستاپ, قامادى. ون مىڭداعان مەملەكەتتٸك قىزمەتكەر قىزمەتٸنەن بوساتىلدى. ەلدٸڭ قارۋلى كٷشتەرٸ قاتارىندا تازالاۋ شارالارى جٷرگٸزٸلٸپ جاتىر.
