"Túrkiia prezidenti Rejep Taiyp Erdoǵan AQSh-ta turatyn din qairatkeri Fethýll Gúlendi memlekettik tóńkeris jasaýǵa árekettendi dep taǵy da aiyptady. 7 tamyzda Stambýlda myńdaǵan adam qatysqan mitingte sóilegen Erdoǵan "Gúlen uiymdastyrǵan jelini" buzýǵa shaqyryp, eger parlament qoldasa, elde ólim jazasyn qalpyna keltirýge ýáde berdi", - dep habarrlaidy Ult.kz tilshisi Azattyqqa silteme jasap.
Stambýldegi mitingige deiin Túrkiianyń birneshe qalasynda Erdoǵandy qoldaǵan demonstratsiialar ótken. Stambýldan júrgizilgen telereportajǵa qaraǵanda, aktsiiaǵa qatysqandar Túrkiia týlaryn arly-berli bulǵap, Erdoǵannyń emotsiiaǵa toly sózin baisaldy qabyldaǵan. Erdoǵan sóilegen sahnanyń aldyńǵy qatarynda otyrǵan generaldardan da ashyq emotsiia baiqalmaidy.
Batystyq aqparat agenttikteri Stambýldaǵy "Demokratiia men azap shegýshiler" dep atalatyn miting shildede bolǵan memlekettik tóńkeris jasaý áreketin aiyptap, Erdoǵanǵa qoldaý bildirý úshin ótkizilgen deidi.
15 shildede Túrkiiada tóńkeris jasaý áreketi saldarynan 270-ten astam adam qaza tapqan. Budan soń birneshe kún ishinde bilik 18 myńǵa tarta adamdy ustap, qamady. On myńdaǵan memlekettik qyzmetker qyzmetinen bosatyldy. Eldiń qarýly kúshteri qatarynda tazalaý sharalary júrgizilip jatyr.
