چەمپيوندارىمىز وليمپياداعا قاتىسپاسا دا, مەدال الامىز. بۇل تۋرالى اۋىر اتلەتيكادان قازاقستان ۇلتتىق قۇراماسىنىڭ باس باپكەرٸ الەكسەي ني ريوداعى قازاقپارات تٸلشٸسٸنە بەرگەن سۇحباتىندا مەلٸم ەتتٸ.
«چەمپيوندارىمىز (يليا يلين, زٷلفييا چينشانلو, ماييا مانەزا, سۆەتلانا پودوبەدوۆا - اگەنتتٸك) وليمپياداعا قاتىسپاسا دا, مەدال الامىز. بٷگٸنگٸ ريوعا كەلگەن قۇرامامىز دا جامان ەمەس. ەڭ باستىسى سپورتشىلارىمىز جارىسقا دەيٸن جاتتىعۋ كەزٸندە جاراقات الىپ قالماسا بولدى. لوندوندا 4 التىن العان چەمپيوندارىمىزدىڭ ريوعا كەلە الماعانى ەرينە ٶكٸنٸشتٸ. بۇل جولى باسقا اتلەتتەرٸمٸز مەدال ەپەرەدٸ. بۇرىنعى مىقتىلارى جوق ەكەن دەپ اۋىر اتلەتتەردٸ نازاردان شىعارۋعا بولمايدى», - دەپ اتاپ ٶتتٸ ني.
سونىمەن قاتار ول دوپينگ داۋىن ويلاعىسى كەلمەيتٸنٸن, ويلايتىن ۋاقىتى دا جوق ەكەنٸن اشىپ ايتتى.
«تٸلشٸلەرگە جاقىنداپ كەتسەم, بٸردەن دوپينگ داۋىن سۇرايدى. مەندە قازٸر ول تۋرالى ايتاتىن, ويلاناتىن ۋاقىتىم جوق. ويلاعىمدا كەلٸپ جٷرگەن جوق. قازٸر بار ويلايتىنىم ريو وليمپياداسى. سپورتشىلارىمدى جارىسقا قالاي شىعارامىن, كٸمنٸڭ كٷشٸ قانشا كٶتەرۋگە جەتەدٸ, جارىس كەزٸندە كٸمگە قانشا سالماق كٶتەرۋگە تاپسىرىس بەرەم دەپ سونىمەن ويلانىپ جٷرمٸن», - دەدٸ اۋىر اتلەتيكادان قازاقستان ۇلتتىق قۇراماسىنىڭ باس باپكەرٸ.
ەستەرٸڭٸزگە سالا كەتەيٸك, ريو وليمپياداسىندا اۋىر اتلەتتەرٸمٸز 6 تامىز كٷنٸ ساعات 19:00-دە (استانا ۋاقىتىبويىنشا 7 تامىز تاڭعى ساعات 04:00) جارىستارىن باستايدى. بۇل كٷنٸ ەيەلدەر اراسىنداعى بەسەكەدە 48 كەلٸدەگٸ قىزىمىز م. ەليسەەۆا ٶنەر كٶرسەتەدٸ.
ال جارىستىڭ ەكٸنشٸ كٷنٸ ساعات 19:00-دە (استانا ۋاقىتى بويىنشا 8 تامىز تاڭعى ساعات 04:00) ەرلەر اراسىندا 56 كەلٸ سالماقتاعى لەگيونەرٸمٸز ا. چونتەي ەل نامىسىن قورعايدى.
تامىزدىڭ 8-ٸ كٷنٸ ساعات 19:00-دە (استانا ۋاقىتى بويىنشا 9 تامىز تاڭعى ساعات 04:00) تاعى بٸر لەگيونەر, اۋىر اتلەتٸمٸز 62 كەلٸ سالماقتاعى ف. حاركيدٸڭ زٸلتەمٸردٸ قالاي كٶتەرگەنٸن كٶرەتٸن بولامىز.
تامىزدىڭ 9-ى كٷنٸ ساعات 15:30-دا (استانا ۋاقىتى بويىنشا 10 تامىز ساعات 00:30) 63 كەلٸ سالماقتاعى اۋىر اتلەت قىزىمىز ل. گوريچەۆانىڭ ٶنەرٸن تاماشالايمىز.
تامىزدىڭ 10-ى كٷنٸ 15:30-دا (استانا ۋاقىتى بويىنشا 11 تامىز ساعات 00:30) قازاقتىڭ قاراكٶز قىزى ج. جاپپارقۇل 69 كەلٸ سالماقتا ەل نامىسىن قورعايدى.
وسى كٷنٸ كەشكٸ ساعات 19:00-دە (استانا ۋاقىتى بويىنشا 11 تامىز تاڭعى ساعات 04:00) 77 كەلٸدە ەرلەر اراسىندا ن. راحيموۆ سىنعا تٷسەدٸ.
تامىزدىڭ 12-ٸ كٷنٸ ساعات 19:00-دە (استانا ۋاقىتى بويىنشا 13 تامىز تاڭعى ساعات 04:00) ەرلەر اراسىندا 85 كەلٸ سالماقتا د. ۇلانوۆ ٶز ٶنەرٸن پاش ەتەدٸ.
اۋىر اتلەتتەرٸمٸزدٸڭ بەسەكەسٸ ٷش كٷن ٷزٸلٸستەن كەيٸن, ياعني تامىزدىڭ 15-ٸ كٷنٸ قايتا جالعاسادى.
بۇل كٷنٸ ساعات 19:00-دە (استانا ۋاقىتى بويىنشا 16 تامىز تاڭعى ساعات 04:00) +105 كەلٸ سالماقتاعى زٸلتەمٸرشٸمٸز قىزىلوردالىق ا. زايچيكوۆ ەل نامىسىن قورعايدى.
