بٷگٸن الماتىداعى ەسەنتاي ٶزەنٸندە, تيميرييازەۆ كٶشەسٸنٸڭ تٶمەنگٸ جاعىندا بەلگٸسٸز ادامنىڭ مٷردەسٸ تابىلعان بولاتىن. كٶپ ۇزاماي ول سافار شەكەەۆتٸڭ مٷردەسٸ ەكەندٸگٸ انىقتالدى. بۇل تۋرالى جاڭا عانا الماتى قالالىق ٸٸد رەسمي ٶكٸلٸ سالتانات ەزٸربەك حابارلادى.
مەيٸت شامامەن 11.00-دە تابىلعان. دەنەنٸ سٷڭگۋٸرلەر الىپ شىقتى. ونىڭ ايتۋىنشا, قازٸر وقيعا ورنىندا پوليتسييا قىزمەتكەرلەرٸ, قۇتقارۋشىلار, دەرٸگەرلەر جۇمىس ٸستەۋدە. سۋعا باتىپ كەتكەن ادامنىڭ اتى-جٶنٸ انىقتالىپ جاتىر.
© ۆلاديمير پروكوپەنكو
© ەلنۇر جٷنٸسوۆ
پوليتسيياداعىلاردىڭ ايتۋىنشا, ٸزدەستٸرۋ جۇمىستارى ەل-فارابي داڭعىلىنىڭ ماڭىندا عانا ەمەس, قالا بويىندا جٷرگٸزٸلگەن. سوڭعى رەت ونى ەل-فارابي داڭعىلىنداعى «كازكوممەرتسبانك» ورتالىق بٶلٸمشەسٸندە تاڭعى ساعات 7.00-دە كٶرگەندەر بار. سافار شەكەەۆ قىزعىلت تٷستٸ فۋتبولكا مەن كٶك دجينس كيگەن.
ەستەرٸڭٸزگە سالا كەتەلٸك, 1991 جىلى تۋعان سافار شەكەەۆتٸڭ ٸز-تٷسسٸز جوعالعانى جايلى ارىز 16 شٸلدە كٷنٸ كەشكە 22:0-دە مەدەۋ اۋداندىق ٸشكٸ ٸستەر باسقارماسىنا كەلٸپ تٷسكەن ەدٸ. سودان بەرٸ بەلگٸلٸ كومپوزيتور ەركەش شەكەەۆتٸڭ ۇلى سافار شەكەەۆتٸ ٸزدەۋ شاراسىنا 170-تەن استام ادام قاتىستى.
cۋرەتتەر: kaz.tengrinews.kz
