سۋرەت: unsplash
11-15 جاستاعى جاسٶسپٸرٸمدەردٸڭ 10 پايىزى تۇراقتى تٷردە ۆەيپ شەگەدٸ. بۇل دەرەكتٸ ٷكٸمەت وتىرىسىندا دەنساۋلىق ساقتاۋ مينيسترٸ اجار عينييات ايتتى, دەپ حابارلايدى "ۇلت اقپارات".
ۆەدومستۆو باسشىسىنىڭ مەلٸمەتٸنشە, ەلٸمٸزدە ەرەسەك تۇرعىنداردىڭ 21%-ى تەمەكٸ تارتادى, بالالاردىڭ 20%-ى ارتىق دەنە سالماعىنان, ال 6%-ى سەمٸزدٸكتەن زارداپ شەگەدٸ. 11-15 جاستاعى جاسٶسپٸرٸمدەردٸڭ ۆەيپتەردٸ تۇراقتى تٷردە شەگۋٸ - 10%, ەنەرگەتيكالىق, تەتتٸ سۋسىنداردى ٸشۋٸ -17,5%, ارتىق دەنە سالماعىنىڭ تارالۋى 15% بولىپ وتىر.
سونىمەن قاتار وسى سالانىڭ ٶزەكتٸ مەسەلەلەرٸ دە بار. بٸرٸنشٸ - مەديتسينالىق كٶمەكتٸڭ تولىق قولجەتٸمدٸلٸگٸن قامتاماسىز ەتۋ. بۇل مەسەلەلەر بويىنشا حالىقتان شاعىمداردىڭ ەڭ كٶپ سانى استانا, الماتى قالالارىنا, اقمولا, اتىراۋ وبلىستارىنا تيەسٸلٸ.
"مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸندە 3,3 ملن حالىق ساقتاندىرىلماعان كٷيٸندە قالىپ وتىر. ەڭ كٶپ سانى جەتٸسۋ, الماتى, جامبىل وبلىستارىندا جەنە شىمكەنت قالاسىندا بايقالادى. مەديتسينا كادرلارىنا دەگەن قاجەتتٸلٸك تٶمەندەۋٸنە قاراماستان ەلٸ دە ساقتالىپ وتىر. بۇل كٶرسەتكٸش قوستاناي, اقمولا, سولتٷستٸك قازاقستان, تٷركٸستان, باتىس قازاقستان وبلىستارىندا باسىم. سونىمەن قاتار مەديتسينا وبەكتٸلەرٸنٸڭ ينفراقۇرىلىمى ەلٸ دە جەتكٸلٸكسٸز. بٷگٸندە 200-دەن استام اۋىلدىق ەلدٸ مەكەندە مەديتسينا وبەكتٸلەرٸ جوق. عيماراتتاردىڭ توزۋى 56%, مەديتسينالىق تەحنيكامەن جاراقتاندىرۋ -50%", - دەيدٸ عينييات.
مينيستر وسى ٶزەكتٸ مەسەلەلەردٸڭ شەشٸلۋ جولدارىنا دا توقتالدى.
"العاشقى كٶمەكتٸڭ قولجەتٸمدٸلٸگٸن ارتتىرۋ ٷشٸن مەديتسينا كٶمەگٸنٸڭ 57%-ىن مەملەكەتتٸك امبۋلاتورييالىق-ەمحانالىق ۇيىمدار, 43%-ىن جەكەمەنشٸك ۇيىمدار كٶرسەتەدٸ, ياعني بەسەكەلەستٸك ٷشٸن جەكە مەديتسينا كەڭٸنەن تارتىلىپ جاتىر. امبۋلاتورييالىق دەڭگەيدەگٸ قارجىلاندىرۋ ۇلعايدى. ول دٷنيەجٷزٸلٸك دەنساۋلىق ساقتاۋ ۇيىمى ۇسىنعان 60% جالپى كٶلەمنٸڭ 56%-ىنا تەڭ. 3 جىلدا كونسۋلتاتسييالىق-دياگنوستيكالىق كٶمەك 7 ەسە ٶستٸ. قىمبات كت قىزمەتتەرٸنٸڭ قولجەتٸمدٸلٸگٸ 9 ەسە, مرت - 6 ەسە ٶستٸ. بيىل 6 ايدا 200 ملننان استام كونسۋلتاتسييالىق-دياگنوستيكالىق قىزمەت كٶرسەتٸلدٸ" - دەدٸ ول ٷكٸمەت وتىرىسىندا.
