باتىس قازاقستان وبلىسىندا 10 جاستاعى ۇلىن قاراۋسىز قالدىرعان ەيەل اتا-انا قۇقىعىنان ايىرىلدى, دەپ حابارلايدى ult.kz.
جوعارعى سوت مەلٸمەتٸنشە, ەيەل ٸشٸمدٸككە سالىنىپ, ۇلىمەن قاراۋسىز قالعان ٷيدە تۇرعان. بالا مەكتەپكە بارماعان, وقۋ-جازۋدى بٸلمەگەن. كيٸم مەن تاماقتى قوقىس اراسىنان تاۋىپ پايدالانعان.
كەمەلەتكە تولماعاندار ٸسٸ جٶنٸندەگٸ كوميسسييا ارالاسقاننان كەيٸن بالا ارنايى ەلەۋمەتتٸك قولداۋ ورتالىعىنا ورنالاستىرىلعان. كەيٸن وبلىستىق وتباسى ٷلگٸسٸندەگٸ بالالار اۋىلىنا بەرٸلگەن.
پسيحولوگ بالانىڭ اۋىر پسيحولوگييالىق جاراقات العانىن ايتىپ, اناسىنا ەموتسيونالدىق بايلانىسى جوعالعانىن انىقتاعان. بالا اناسىنان قورقىپ, بۇرىنعى جاعدايعا قايتا تٷسۋگە الاڭداعان.
سوت ەيەلدٸڭ اتا-انالىق مٸندەتتەرٸن ورىنداۋدان قاساقانا جالتارعانىن ەسكەرٸپ, ونى اتا-انا قۇقىعىنان ايىردى. سونىمەن قاتار بالانى اسىراۋعا اليمەنت ٶندٸرٸلدٸ.
سوت شەشٸمٸ زاڭدى كٷشٸنە ەندٸ.
