قازاقستاندىق ەنۋار (ەسٸمٸ ٶزگەرتٸلدٸ - اۆت. ەسك.) بٷگٸن تٷندە 10 ساعات بويى قازاقستان - رەسەي شەكاراسىندا كەزەكتە تۇرعان. ول تٷندە شەكارادا قانداي جاعداي بولعانىن ايتىپ بەردٸ, دەپ حابارلايدى Massaget.kz.
ەنۋار ەۆاكۋاتور جٷرگٸزەدٸ. ول بٸر اپتا بۇرىن رەسەيگە جۇمىس بابىمەن بارعان. ال كەشە كٶلٸگٸمەن قازاقستانعا قاراي جولعا شىعىپتى.
"تٷنگٸ 02:00-دە شەكارا ماڭىندا كەپتەلٸسكە تاپ بولدىق. شەكارادان ٶتپەك بولىپ تۇرعان كٶلٸك ٶتە كٶپ ەكەن. جەڭٸل كٶلٸكپەن جٷرگەن كەيبٸر رەسەيلٸك كەپتەلٸستٸ اينالىپ, شەكارادان جىلدام ٶتٸپ كەتكٸسٸ كەلدٸ. سالدارىنان كەزەك بۇزىلىپ, بايبالام بولىپ كەتتٸ. سول كەزدە جٷك كٶلٸگٸمەن جٷرگەن قازاقستاندىقتار ولاردى توقتاتىپ, كەپتەلٸستٸ رەتتەدٸ. كەيٸن پوليتسەيلەر كەلٸپ, بەرٸ كەزەككە تۇردى", - دەيدٸ ول.
ونىڭ ايتۋىنشا, كەپتەلٸستە تۇرعىسى كەلمەي اسىققاندار كٶلٸگٸن تاستاپ كەتكەن ەكەن.
"رەسەيلٸكتەر كەپتەلٸستە كٶلٸگٸن تاستاپ, سٶمكەلەرٸن, كەرەك زاتتارىن الىپ, جاياۋ كەتٸپ جاتىر. جولدان بٸز سيياقتى ەۆاكۋاتورلاردان "قانشا اقشا سۇراساڭ دا تٶلەيمٸن, كٶلٸگٸمدٸ جەتكٸزٸپ بەرشٸ" دەپ سۇرادى. بٸراق ەۆاكۋاتورلار باس تارتىپ جاتىر, سەبەبٸ ارتقا قايتىپ, كٶلٸكتٸ الىپ, كەپتەلٸستە قايتا تۇرعىسى كەلمەيدٸ", - دەيدٸ ەنۋار.
ول سٶمكەمەن جاياۋ كەتٸپ بارا جاتقانداردىڭ دەنٸ جاستار ەكەنٸن ايتادى.
قازاقستاندىقتىڭ ايتۋىنشا, كەپتەلٸس بٸرنەشە شاقىرىمعا سوزىلىپ جاتىر. ول "شامامەن 10 شاقىرىمنان اسادى" دەيدٸ.
كٶلٸك كٶپ بولعانى سونشا ەنۋار تاڭدى كەزەكپەن اتىرعانىن ايتادى. 10 ساعات شەكارادا كٷتٸپتٸ.
"شەكاراعا تٷنگٸ 2-دە جەتكەن ەدٸم, بٷگٸن تٷسكٸ 12-دە عانا قازاقستان شەكاراسىنان ٶتتٸم", - دەيدٸ ول.
بۇعان دەيٸن رەسەيدەن قازاقستانعا كٶشٸپ كەلۋشٸلەر سانىنىڭ كٶبەيۋٸنە بايلانىستى ٸٸم مەلٸمدەمە جاساعان. وندا بيىل ەلگە 1 ميلليون 660 مىڭ رەسەيلٸك كەلسە, ونىڭ 1 ميلليون 640 مىڭى ەلدەن كەتٸپ قالعانى ايتىلعان.
ال سىرتقى ٸستەر مينيسترلٸگٸ قازاقستاندىقتاردى ٶزٸندٸك دانالىعىن كٶرسەتٸپ, قوناقجايلىق دەستٷرٸنە بەرٸك بولۋعا شاقىرعان ەدٸ.
