تانىمال اكتەر اسقار جۇمابەكوۆ باسىنا ٸس تٷسكەنٸن ايتىپ, ەل پرەزيدەنتٸنەن كٶمەك سۇرادى. ونىڭ سٶزٸنشە, قالتالىلاردىڭ كەسٸرٸنەن جازىقسىز بٸر توپ جٸگٸت سوتتالىپ كەتپەك. بۇل تۋرالى ول ٶزٸنٸڭ Instagram پاراقشاسىندا مەلٸمدەدٸ, دەپ حابارلايدى Azattyq Ruhy.
وقيعا بىلتىر 27 جەلتوقساندا الماتىداعى ەل-فارابي داڭعىلىنداعى كاراوكەلەردٸڭ بٸرٸندە بولعان. جاس ەرتٸستٸڭ ايتۋىنشا, اتالعان جەردە اۋقاتتى ەۋلەتتٸڭ ۇلدارى جاعا جىرتىسقان. ال اسقار جۇمابەكوۆ تٶبەلەسكەن جٸگٸتتەرگە اراشا تٷسكەن.
«قازاقستان رەسپۋبليكاسىنىڭ ازاماتى رەتٸندە, قۇرمەتتٸ پرەزيدەنت, سٸزدەن ٶتٸنٸپ, كٶمەك سۇراعىم كەلٸپ تۇر. مىنا ۆيدەونى تٷسٸرۋگە مەجبٷر بولىپ تۇرمىن. سەبەبٸ باسىمدا بٸر ٸس بولىپ جاتىر. قۇرمەتتٸ سوت, ٶزٸم حالىقتىڭ الدىندا جٷرگەن اداممىن, ٶنەر ادامىمىن, اكتەرمٸن. سول سەبەپتٸ وسى ۆيدەو سٸزگە جەتەدٸ دەگەن ٷمٸتتەمٸن», - دەدٸ ول.
ونىڭ ايتۋىنشا, جاقىندا سوت ٷكٸم شىعادى. ال ٶزٸ 10 ايدان بەرٸ ٷيقاماقتا وتىر.
«مەن مىنا ۆيدەونى ٶزٸمدٸ قورعاۋ ماقساتىندا, سٸزدەن كٶمەك سۇراۋ ماقساتىندا تٷسٸرٸپ قويىپ جاتىرمىن. ەدٸلدٸكتٸ قالايمىن. ول جەردە مەنٸڭ ەشقانداي كٸنەم جوق. مەن اجىراتتىم. ەشكٸممەن تٶبەلەسكەن جوقپىن, قۇرمەتتٸ پرەزيدەنت. ەگەر دە ەرتەڭ بٸزدٸ باس بوستاندىعىمىزدان ايىراتىنداي جاعداي بولىپ جاتسا, وسى ۆيدەو بٷكٸل Instagram جەلٸسٸندە تاراسا ەكەن دەيمٸن. ول جەردە اۋقاتتى كٸسٸلەردٸڭ ۇلدارى بولعان. سول سەبەپتٸ كٸمگە بارىپ كٶمەك سۇراساڭ دا, باسىن الىپ قاشادى. سەبەبٸ قورقادى. مىنا ۆيدەونى ٶزٸم تٷسٸرٸپ وتىرمىن. ٶيتكەنٸ باسقا مٷمكٸندٸك قالمادى, قۇرمەتتٸ پرەزيدەنت. بارىنشا كٶمەك بەرۋٸڭٸزدٸ ٶتٸنٸپ سۇرايمىن سٸزدەن», - دەدٸ اكتەر.
اسقار جۇمابەكوۆتٸڭ ايتۋىنشا, بۇل ٸس بويىنشا ٶزگە دە جٸگٸتتەر دە جازىقسىز سوتتالعالى جاتىر. الايدا اكتەر ولاردىڭ كٸم ەكەنٸن ايتپاعان.
«بٸز قاي ەلدە تۇرىپ جاتىرمىز? بٸزدە اقشا جوق بولسا, بٸز سوندا بەرٸمٸز قامالا بەرۋٸمٸز كەرەك پە? ەگەر سونداي بولسا, وندا بٸز قازاقستان ەلٸنٸڭ ازاماتى بولماي-اق قويايىق», - دەدٸ ول.
