فوتو: قر وقۋ-اعارتۋ مينيسترلٸگٸ
بيىل بٸرٸنشٸ سىنىپقا ٶتٸنٸش قابىلداۋ 1 سەۋٸردە باستالىپ, 2025 جىلدىڭ 31 تامىزىنا دەيٸن جالعاسادى, دەپ حابارلايدى قر وقۋ-اعارتۋ مينيسترلٸگٸنٸڭ باسپاسٶز قىزمەتٸ ورتا بٸلٸم كوميتەتٸنە سٸلتەمە جاساپ.
قر «بٸلٸم تۋرالى» زاڭىنا سەيكەس, 1-سىنىپقا اتا-اناسىنىڭ ٶتٸنٸشٸ بويىنشا بالالار 6 جاستان باستاپ قابىلدانادى. قۇجاتتاردى مەملەكەتتٸك egov.kz ەلەكتروندىق ٷكٸمەتٸ, جەرگٸلٸكتٸ اتقارۋشى ورگانداردىڭ اقپاراتتىق جٷيەلەرٸ ارقىلى, سونداي-اق قاعاز نۇسقادا 1 سەۋٸر - 31 تامىز ارالىعىندا تاپسىرۋعا بولادى.
قازاقستان ازاماتتارى ٷشٸن جالپى بٸلٸم بەرەتٸن ورتا مەكتەپكە قابىلداۋعا قاجەتتٸ قۇجاتتار تٸزٸمٸ:
1)اتا-انانىڭ نەمەسە زاڭدى ٶكٸلٸنٸڭ ٶتٸنٸشٸ;
2) №065-ۋ نىسانىنداعى دەنساۋلىق جاعدايى تۋرالى انىقتاما جەنە №052-2/ۋ نىسانىنداعى بالانىڭ دەنساۋلىق پاسپورتى;
3)ٶلشەمٸ 3ح4 سم سۋرەت (2 دانا)
شەتەل ازاماتتارى ٷشٸن: اتا-انالار نەمەسە باسقا زاڭدى ٶكٸلدەر قازاقستاندا ۋاقىتشا نەمەسە تۇراقتى تۇرۋى كەرەك. شەتەلدٸكتەر مەكتەپكە قازاقستان رەسپۋبليكاسىندا تۇراقتى تۇرۋ قۇقىعى تۋرالى جەنە تۇرعىلىقتى جەرٸ بويىنشا تٸركەۋ تۋرالى قۇجاتتاردى ۇسىنۋى كەرەك.
ٶتٸنٸش دەمالىس جەنە مەرەكە كٷندەردٸ قوسپاعاندا, دٷيسەنبٸدەن جۇماعا دەيٸن قابىلدانادى.
- قۇرمەتتٸ اتا-انالار! قۇجاتتاردى تاپسىرۋدى سوڭعى كٷندەرگە قالدىرماي, بالاڭىزدى مەكتەپكە بەرۋدٸ الدىن الا ويلاستىرۋعا شاقىرامىز! – دەلٸنگەن مينيسترلٸك حابارلاماسىندا.
ايتا كەتەيٸك, 2024-2025 وقۋ جىلىندا 351 176 بالا 1-سىنىپقا قابىلداندى جەنە ونىڭ 70 پايىزعا جۋىعى مەملەكەتتٸك تٸلدە وقۋعا نيەت بٸلدٸردٸ.
