Foto: QR Oqý-aǵartý ministrligi
Biyl birinshi synypqa ótinish qabyldaý 1 sáýirde bastalyp, 2025 jyldyń 31 tamyzyna deiin jalǵasady, dep habarlaidy QR Oqý-aǵartý ministrliginiń baspasóz qyzmeti Orta bilim komitetine silteme jasap.
QR «Bilim týraly» Zańyna sáikes, 1-synypqa ata-anasynyń ótinishi boiynsha balalar 6 jastan bastap qabyldanady. Qujattardy memlekettik egov.kz elektrondyq úkimeti, jergilikti atqarýshy organdardyń aqparattyq júieleri arqyly, sondai-aq qaǵaz nusqada 1 sáýir - 31 tamyz aralyǵynda tapsyrýǵa bolady.
Qazaqstan azamattary úshin Jalpy bilim beretin orta mektepke qabyldaýǵa qajetti qujattar tizimi:
1)ata-ananyń nemese zańdy ókiliniń ótinishi;
2) №065-ý nysanyndaǵy densaýlyq jaǵdaiy týraly anyqtama jáne №052-2/ý nysanyndaǵy balanyń densaýlyq pasporty;
3)ólshemi 3h4 sm sýret (2 dana)
Shetel azamattary úshin: Ata-analar nemese basqa zańdy ókilder Qazaqstanda ýaqytsha nemese turaqty turýy kerek. Sheteldikter mektepke Qazaqstan Respýblikasynda turaqty turý quqyǵy týraly jáne turǵylyqty jeri boiynsha tirkeý týraly qujattardy usynýy kerek.
Ótinish demalys jáne mereke kúnderdi qospaǵanda, dúisenbiden jumaǵa deiin qabyldanady.
- Qurmetti ata-analar! Qujattardy tapsyrýdy sońǵy kúnderge qaldyrmai, balańyzdy mektepke berýdi aldyn ala oilastyrýǵa shaqyramyz! – delingen ministrlik habarlamasynda.
Aita keteiik, 2024-2025 oqý jylynda 351 176 bala 1-synypqa qabyldandy jáne onyń 70 paiyzǵa jýyǵy memlekettik tilde oqýǵa niet bildirdi.
