الماتى قالاسى كەسٸپكەرلٸك جەنە ينۆەستيتسييالار باسقارماسىنىڭ باسشىسى ەركەبۇلان ورازالين ٶڭٸرلٸك كوممۋنيكاتسييالار قىزمەتٸ الاڭىندا كەسٸپكەرلٸكتٸ قولداۋ باعدارلامالارى جايلى ايتتى, دەپ حابارلايدى "ۇلت اقپارات".
ەركەبۇلان ورازالين مەگاپوليستٸ دامىتۋدىڭ نەگٸزگٸ درايۆەرٸ - بيزنەس پەن ادامدار ەكەنٸن ەسكە سالدى. الماتى قالاسى ەلٸمٸزدٸڭ ەڭ كرەاتيۆتٸ, ٸسكەر جەنە بٸلٸمدٸ ادامدارىمەن تارتىمدى.
«بٷگٸندە قالا ەكونوميكاسىنىڭ 45%-دان استامىن جەكە بيزنەس قالىپتاستىرادى. 10 الماتىلىقتىڭ التاۋى شاعىن جەنە ورتا بيزنەسپەن اينالىسادى. قازاقستاننىڭ ەربٸر التىنشى كەسٸپورنى الماتىدا اشىلعان», - دەدٸ ول.
كەسٸپكەرلٸكتٸ دامىتۋ تۋرالى ايتا كەلە, باسقارما باسشىسى ٶز ٸسٸن جاڭا باستاعان كەسٸپكەرلەردٸ قولداۋ ٷشٸن ولاردى وقىتۋ ٷلكەن كٶمەك ەكەنٸن اتاپ ٶتتٸ.
ەركەبۇلان ورازاليننٸڭ مەلٸمەتٸنشە, سوڭعى ەكٸ جىلدا 190 مىڭ الماتىلىق كەسٸپكەرلٸك كۋرسىنان ٶتكەن.
سونىمەن قاتار, پاندەمييا كەزٸندە 165 مىڭ ادام ونلاين رەجيمدە وقىدى.
ونىڭ ايتۋىنشا, كۋرستا تەك تەورييا وقىتىلىپ قانا قويماي, ٸس جٷزٸندە بيزنەستٸ قالاي باسقارۋ كەرەكتٸگٸ دە كٶرسەتٸلدٸ.
كۋرستىڭ ارقاسىندا الماتىدا شاعىن جەنە ورتا بيزنەس نىساندارىنىڭ سانى 3% ارتتى. ال جۇمىسپەن قامتىلعاندار سانى 978 مىڭنان استى.
«الماتى بيزنەستٸ دامىتۋ قالاسى بولعان جەنە بولىپ قالا بەرەدٸ. بٸز جاستاردى وقىتۋ پراكتيكاسىن جالعاستىرامىز, كەسٸبي بيزنەس-جاتتىقتىرۋشىلار ماركەتينگ, بۋحگالتەرلٸك, سالىقتىق ەسەپكە الۋ داعدىلارىن وقىتادى. تەجٸريبە جيناقتاي وتىرىپ, كەلەسٸ كەزەڭدە كەسٸپكەرلەر جاڭا دەڭگەيگە شىعىپ, «اكسەلەراتسييا» جوباسىنا قاتىسا الادى», - دەدٸ ەركەبۇلان ورازالين.
2021 جىلى «اكسەلەراتسييا» جوباسىمەن 1000-نان استام ادامدى قامتۋ جوسپارلانىپ وتىر.
نەگٸزگٸ باعىتتار - ساۋدا, تاماق ٶنەركەسٸبٸ, تٸگٸن ٶندٸرٸسٸ, مەيرامحانا بيزنەسٸ, قوناق ٷي بيزنەسٸ, بٸلٸم بەرۋ كۋرستارى, ماركەتينگ جەنە IT-سالاسى.
سپيكەر «Almaty Business-2025» باعدارلاماسىنىڭ جەتٸستٸكتەرٸنە توقتالدى.
«بٷگٸنگٸ تاڭدا 108 مىڭنان استام ادامعا كەڭەس بەرٸلدٸ. 9,5 مىڭ كەسٸپكەر وقۋدان ٶتتٸ. 770 بيزنەس-جوسپار ەزٸرلەندٸ. وقۋدان ٶتكەن بارلىق كەسٸپكەر Almaty Finance-تان جەڭٸلدەتٸلگەن نەسيە الۋعا قۇقىلى», - دەدٸ ول.
