Almaty qalasy kásipkerlik jáne investitsiialar basqarmasynyń basshysy Erkebulan Orazalin óńirlik kommýnikatsiialar qyzmeti alańynda kásipkerlikti qoldaý baǵdarlamalary jaily aitty, dep habarlaidy "Ult aqparat".
Erkebulan Orazalin megapolisti damytýdyń negizgi draiveri - biznes pen adamdar ekenin eske saldy. Almaty qalasy elimizdiń eń kreativti, isker jáne bilimdi adamdarymen tartymdy.
«Búginde qala ekonomikasynyń 45%-dan astamyn jeke biznes qalyptastyrady. 10 almatylyqtyń altaýy shaǵyn jáne orta biznespen ainalysady. Qazaqstannyń árbir altynshy kásiporny Almatyda ashylǵan», - dedi ol.
Kásipkerlikti damytý týraly aita kele, basqarma basshysy óz isin jańa bastaǵan kásipkerlerdi qoldaý úshin olardy oqytý úlken kómek ekenin atap ótti.
Erkebulan Orazalinniń málimetinshe, sońǵy eki jylda 190 myń almatylyq kásipkerlik kýrsynan ótken.
Sonymen qatar, pandemiia kezinde 165 myń adam onlain rejimde oqydy.
Onyń aitýynsha, kýrsta tek teoriia oqytylyp qana qoimai, is júzinde biznesti qalai basqarý kerektigi de kórsetildi.
Kýrstyń arqasynda Almatyda shaǵyn jáne orta biznes nysandarynyń sany 3% artty. Al jumyspen qamtylǵandar sany 978 myńnan asty.
«Almaty biznesti damytý qalasy bolǵan jáne bolyp qala beredi. Biz jastardy oqytý praktikasyn jalǵastyramyz, kásibi biznes-jattyqtyrýshylar marketing, býhgalterlik, salyqtyq esepke alý daǵdylaryn oqytady. Tájiribe jinaqtai otyryp, kelesi kezeńde kásipkerler jańa deńgeige shyǵyp, «Akseleratsiia» jobasyna qatysa alady», - dedi Erkebulan Orazalin.
2021 jyly «Akseleratsiia» jobasymen 1000-nan astam adamdy qamtý josparlanyp otyr.
Negizgi baǵyttar - saýda, tamaq ónerkásibi, tigin óndirisi, meiramhana biznesi, qonaq úi biznesi, bilim berý kýrstary, marketing jáne IT-salasy.
Spiker «Almaty Business-2025» baǵdarlamasynyń jetistikterine toqtaldy.
«Búgingi tańda 108 myńnan astam adamǵa keńes berildi. 9,5 myń kásipker oqýdan ótti. 770 biznes-jospar ázirlendi. Oqýdan ótken barlyq kásipker Almaty Finance-tan jeńildetilgen nesie alýǵa quqyly», - dedi ol.
