فوتو: 24.kz
ٸشكٸ ٸستەر مينيسترلٸگٸ قوعامدا "زاڭ جەنە تەرتٸپ" قاعيداتىن نىعايتۋعا, ونىڭ ٸشٸندە ەرتٷرلٸ قىلمىستار جاساعانى ٷشٸن ٸزدەۋدە جٷرگەن ادامداردىڭ ورنالاسقان جەرٸن انىقتاۋعا جەنە ولاردى ۇستاۋعا باعىتتالعان جۇمىستى جالعاستىرۋدا, دەپ حابارلايدى Ult.kz Polisia.kz-كە سٸلتەمە جاساپ.
الماتىدا كريمينالدىق پوليتسييا قىزمەتكەرلەرٸ اسا ٸرٸ مٶلشەردە الاياقتىق جاساعانى ٷشٸن حالىقارالىق ٸزدەۋدە جٷرگەن ەر ادامدى ۇستادى. 2023 جىلدىڭ قاراشا ايىندا كەسٸپكەرلٸك قىزمەتتٸڭ اتىن جامىلعان قاسكٷنەم جەبٸرلەنۋشٸگە تەندەرگە قاتىسسا, جاقسى پايدا تاباتىنىن ۋەدە ەتٸپ, 76 ملن تەڭگەدەن استام قاراجات پەن Lexus 570 اۆتوكٶلٸگٸن يەمدەنٸپ العان.
سونىمەن قاتار, ماڭعىستاۋ وبلىسىنىڭ "بەينەۋ" تەمٸرجول ستانتسيياسىندا كٶرشٸ مەملەكەتتٸڭ ازاماتى ۇستالدى. ول ۇرلىق جاساعانى ٷشٸن پوليتسييامەن ٸزدەۋدە جٷرگەن. ٶتكەن جىلى ەر ادام اتىراۋدا توپپەن بٸرگە بازار قويماسىنان 19 ملن تەڭگەگە تاۋار ۇرلاپ كەتكەن.
"قاراعاندىدا مەملەكەتارالىق ٸزدەۋدە جٷرگەن ادام ۇستالدى. ول باسقا بٸرەۋدٸڭ مٷلكٸن يەمدەنٸپ, تالان-تاراجعا سالدى دەپ كٷدٸككە ٸلٸنگەن. قاسكٶي شىمكەنتتەگٸ لومباردتاردىڭ بٸرٸنٸڭ فيليالىنىڭ ديرەكتورى بولا تۇرا, ٶز سىبايلاستارىمەن بٸرگە جشس-عا تيەسٸلٸ 1 ملرد تەڭگە قاراجاتتى يەمدەنٸپ, تالان-تاراجعا سالعان", - دەپ جازىلعان حابارلامادا.
بارلىق كٷدٸكتٸ ۋاقىتشا ۇستاۋ يزولياتورىنا قامالدى.
