قازاقستاندىقتاردىڭ كٶبٸ كوممۋنالدىق شىعىنداردى مەملەكەت ەسەبٸنەن سۋبسيدييالاۋعا بولاتىنىن بٸلمەيدٸ. ياعني, 1 ميلييونعا جۋىق ادام ٶز قۇقىعىن پايدالانباي جٷر, دەپ حابارلايدى قازاقپارات.
ەنەرگەتيكا ۆيتسە-مينيسترٸ قايرات راحيموۆ ورتالىق كوممۋنيكاتسييالار قىزمەتٸندە وسىنداي مەلٸمەت ايتتى.
«حالىقتىڭ ەلەۋمەتتٸك تۇرعىدا ەلسٸز توپتارىنا تۇرعىن ٷي زاڭناماسى بويىنشا شىعىنداردى جەڭٸلدەتۋدٸڭ تەتٸگٸ قاراستىرىلعان. كٶرٸپ جٷرگەنٸمٸزدەي, حالىقتىڭ كٶبٸ ەلەۋمەتتٸك قولداۋدىڭ تٸكەلەي سۋبسيدييالاۋ دەيتٸن تٷرٸ بار ەكەنٸن بٸلمەيدٸ دە» - دەدٸ مينيسترلٸك ٶكٸلٸ.
قايرات راحيموۆ اتالمىش قولداۋعا قۇقىلى ادامدار حالىققا قىزمەت كٶرسەتۋ ورتالىقتارى ارقىلى نەمەسەس eGov ەلەكتروندى جٷيەسٸ ارقىلى ٶتٸنٸش بەرە الاتىنىن ايتادى.
وسى قىزمەتتەر ارقىلى وتباسىنىڭ ەلەۋمەتتٸك مەرتەبەسٸن دەلەلدەيتٸن قۇجاتتار مەن كوممۋنالدىق تٶلەم تٷبٸرتەگٸن ٶتكٸزۋ قاجەت.
«مىسالى بٸر وتباسىندا 4 ادام بولدى دەيٸك. تەك بٸرەۋٸ عانا جۇمىس ٸستەۋٸ مٷمكٸن. ونىڭ ايلىق تابىسى 100 مىڭ تەڭگە بولسا, جان باسىنا شاققاندا 25 مىڭ تەڭگەدەن كەلەدٸ. ال قازٸر مينيمالدى ەسەپتٸك كٶرسەتكٸش كٶلەمٸ 34 مىڭ تەڭگە ەكەنٸن ەسكەرسەك, بۇل جانۇيانىڭ جان باسىنا شاققانداعى تابىسى نورمادان تٶمەن دەگەن سٶز. سوندىقتان بۇل وتباسى مەملەكەت تاراپىنان ەلەۋمەتتٸك قولداۋ تالاپ ەتۋگە قۇقىلى», - دەيدٸ ۆەدومستۆو ٶكٸلٸ.
مۇنداعى باستى نازار اۋداراتىن مەسەلە - ەر ٶڭٸردە كوممۋنالدىق شىعىن سۋبسيديياسىنىڭ كٶلەمٸ ەرتٷرلٸ بولۋى مٷمكٸن.
«جەرگٸلٸكتٸ مەسليحاتتار ەلەۋمەتتٸك از قامتىلعان وتباسىلاردىڭ كوممۋنالدىق قىزمەت اقىسىنا تٶلەيتٸن ماكسيمالدى شەكتٸ بەكٸتەدٸ. مىسالى, الماتىدا ول وتباسى تابىسىنىڭ 5 پايىزىنان اسپاۋى كەرەك. ياعني, ايىنا 100 مىڭ تەڭگە كٸرٸس كٸرەتٸن وتباسى وسى الماتىدا تۇراتىن بولسا جەنە كوممۋنالدىق قىزمەتتەرگە ايىنا 10 مىڭ تەڭگە تٶلەۋٸ كەرەك بولسا, ونىڭ تەڭ جارتىسىن مەملەكەت تٸكەلەي سۋبسيدييالايدى», - دەيدٸ قايرات راحيموۆ.
ۆيتسە-مينيستر زاڭ بويىنشا ەلٸمٸزدە وسىنداي قولداۋ تٷرٸ 1 ميلليوننان استام وتباسىنا كٶرسەتٸلۋٸ كەرەك دەپ وتىر. بٸراق كٶبٸ مۇنداي سۋبسيدييانىڭ بار ەكەنٸن بٸلمەيدٸ.
«مەن نەگە وسى قولداۋدى كٶبٸ بٸلمەۋٸ مٷمكٸن دەدٸم? 2019 جىلى رەسپۋبليكا بويىنشا 54 مىڭ وتباسى عانا وسى تٶلەمگە ٶتٸنٸش بەرگەن. ال بىلتىر ٶتٸنٸش سانى 36 مىڭنان اسقان جوق. ەڭبەك جەنە حالىقتى ەلەمۋەتتٸك قورعاۋ مينيسترلٸگٸمەن بٸرگە وسى مەسەلەنٸ قاراعانبىز. اتالمىش سانات بويىنشا ەلەۋمەتتٸك قولداۋعا قۇقىلى ابونەنتتەردٸڭ سانى 1 ميليوننان اسادى. بٸزدٸڭ مينيسترلٸك ەندٸ وسى قولداۋ شاراسىن اۆتوماتتاندىرۋ مەسەلەسٸن قاراپ جاتىر», - دەدٸ مينيستردٸڭ ورىنباسارى.
