2021 جىلدىڭ 1 مامىرىنان ەرٸكتٸ جارنا بويىنشا جەكە زەينەتاقى شوتىن اشۋعا بجزق-عا تٷسكەن العاشقى ەرٸكتٸ زەينەتاقى جارناسى (ەزج) نەگٸز بولىپ تابىلادى, دەپ حابارلايدى "ۇلت اقپارات" بٸرىڭعاي جيناقتاۋشى زەينەتاقى قورىنىڭ باسپاسٶز قىزمەتٸنە سٸلتەمە جاساپ.
«ەرٸكتٸ زەينەتاقى جارناسى سالىمشىنىڭ – جەكە تۇلعانىڭ ٶز كٸرٸسٸنەن ٶزٸنٸڭ پايداسىنا اۋدارعان سوماسى نە سالىمشىنىڭ (جەكە نەمەسە زاڭدى تۇلعانىڭ) الۋشىنىڭ پايداسىنا اۋدارعان سوماسى بولۋى مٷمكٸن. بۇل رەتتە جارنالاردىڭ مٶلشەرٸ مەن مەرزٸمدٸلٸگٸن سالىمشى ٶزٸ ايقىندايدى.
اتاپ كەتۋ كەرەك, جەكە تۇلعا ٶز كٸرٸسٸنەن ٶزٸنٸڭ پايداسىنا ەزج اۋدارعان كەزدە سالىق زاڭناماسىندا تٶلەنگەن ەجز سوماسىنا سالىق شەگەرٸمٸ قاراستىرىلعان», دەلٸنگەن حابارلامادا.
بۇدان بٶلەك, 2021 جىلدىڭ 1 قاڭتارىنان باستاپ سالىق اگەنتٸنٸڭ (جۇمىس بەرۋشٸنٸڭ) جەكە قاراجاتى ەسەبٸنەن جۇمىسكەردٸڭ پايداسىنا تٶلەگەن ەزج-سى كورپوراتيۆتٸ تابىس سالىعىن تٶلەۋ كەزٸندە شەگەرٸلٸمگە جاتادى. سول ۋاقىتتا جۇمىس بەرۋشٸنٸڭ جۇمىسكەردٸڭ پايداسىنا تٶلەگەن ەزج سومالارى جۇمىسكەردٸڭ كٸرٸسٸنە سالىق سالۋ كەزٸندە ەسەپكە الىنبايدى.
«وسىلايشا جۇمىس بەرۋشٸ ٶز جۇمىسكەرلەرٸنٸڭ پايداسىنا ەزج تٶلەي وتىرىپ, سالىق سالۋ كەزٸندە جەڭٸلدٸكتەرگە, سونداي-اق, ٶز قىزمەتكەرلەرٸن ىنتالاندىرۋدا قوسىمشا قۇرالعا يە بولادى. جۇمىسكەر ٷشٸن بۇل بجزق-دا ەزج ەسەبٸنەن قالىپتاسقان زەينەتاقى جيناقتارى سوماسىنىڭ ٶسۋٸ, سەيكەسٸنشە, قوردان تٶلەنەتٸن زەينەتاقى تٶلەمدەرٸ مٶلشەرٸنٸڭ كٶبەيۋٸ رەتٸندە وڭ سيپات الادى», دەلٸنگەن حابارلامادا.
ەرٸكتٸ زەينەتاقى جارنالارىن ەكٸنشٸ دەڭگەيدەگٸ بانكٸلەر (ەدب) نە «قازپوشتا» اق بٶلٸمشەلەرٸ ارقىلى اۋدارۋعا بولادى. ەكٸنشٸ دەڭگەيدەگٸ بٸرقاتار بانكٸلەر ەزج ونلاين (موبيلدٸ قوسىمشا نەمەسە ٶزٸن-ٶزٸ قىزمەت كٶرسەتۋ تەرمينالدارى) ارقىلى اۋدارۋعا مٷمكٸندٸك بەرەدٸ. بۇدان بٶلەك, ٶز پايداسىنا ەزج جارنالارىن تۇراقتى اۋدارۋ ٷشٸن جۇمىس بەرۋشٸنٸڭ اتىنا ٶتٸنٸش جازۋعا دا بولادى. سونىڭ نەگٸزٸندە جۇمىس بەرۋشٸ ەزج ٶتٸنٸش يەسٸنٸڭ نە ٷشٸنشٸ تۇلعانىڭ پايداسىنا بجزق-عا تۇراقتى تٷردە اۋدارىپ وتىرادى.
بۇل رەتتە پايداسىنا ەزج اۋدارىلىپ تۇراتىن جەكە تۇلعانى سەيكەستەندٸرۋ, ەزج تٶلەۋ بارىسىندا ەلەكتروندىق فورماتتاعى تٶلەم تاپسىرماسىندا كٶرسەتٸلگەن جەكە دەرەكتەرٸ (اتى-جٶنٸ, جسن, تۋعان كٷنٸ) بويىنشا ورىندالاتىن بولادى. جەكە باسىن كۋەلاندىراتىن قولدانىستاعى قۇجاتتىڭ دەرەكتەمەلەرٸ, تۇرعىلىقتى مەكەنجايى, ٶزگە دە دەرەكتەرٸ تۋرالى بارلىق قاجەتتٸ مەلٸمەتتٸ بجزق مەملەكەتتٸك ورگانداردىڭ اقپاراتتىق جٷيەسٸنەن الادى.
