Дүниежүзінде көптеген жас әйелдер мен қыздар өздерінің интернеттегі қауіпсіздігін қамтамасыз ету үшін әлдеқайда тиімді қолдау алғысы келетінін айтты, -деп хабарлайды "Ұлт Ақпарат".
CNN as Equals және Plan international ҮЕҰ әлемнің тоғыз елінде 13 пен 24 жас аралығындағы 600-ден астам жас әйелдер мен қыздарға сауалнама жүргізіп, олардың көпшілігі (75%) интернетте қауіп-қатерге тап болғанын айтқан, оннан астамы ондай жағдаймен күнделікті кездеседі. Олар үнемі қауіпке тап болатынын және көмек сұрауға мүмкіндігі жоқ немесе ықпалды ешкім жоқ екенін айтқан.
Респонденттердің жартысына жуығы (кейбіреулері 13 жаста) сексуалды мәндегі суреттерді немесе видеоларды көргенін немесе алғанын хабарлады,ал төрттен бір бөлігі интернеттегі кемсітушілікке немесе қорлайтын сөздерге тап болғанын айтты.
Сауалнамаға қатысқан қыздардың көбі Facebook-те ең көп қауіп төнгенін, одан кейін WhatsApp, Instagram және TikTok-та жыныстық қудалауға тап болған. Олар әлемдегі ең көп қолданылатын әлеуметтік платформалардың бірі.
Сауалнама Боливия, Бразилия, Буркина-Фасо, Колумбия, Кения, Малави, Непал, Филиппин және Тимор-Лестиде жүргізілді. Олар осы елдерде өсіп келе жатқан барлық қыздар мен жас әйелдердің өкілі емес, бірақ нәтижелер осы жас әйелдердің көпшілігінің дауыстары мен күнделікті тәжірибесін көрсетеді.
Мұндай зиянның салдары туралы айта отырып, сауалнамаға қатысқандардың үштен бірінен астамы қайғы — қасірет, депрессия, стресс немесе мазасыздықты бастан кешіретінін айтқан, сондай-ақ олардың көпшілігі желідегі қауіпсіздігі үшін өздері жауапты деп санайды. Қыздардың көбі желіден шығып, жағдайды шешу үшін өз аккаунттарын құпия етеді екен.
Өз қауіпсіздігі үшін жалғыз өзі жауап бермеуі керек деп санайтындары да бар көрінеді. Олар үкіметтен, биліктен, технологиялық компаниялардан және олардың отбасыларынан жақсы қолдау мен ресурстарды қалайды.
1542 рет оқылды
