Қазгидромет жұмаға арналған ауа райы болжамын жариялады, деп хабарлайды "Ұлт ақпарат".
Оңтүстік және Атлантикалық циклондармен байланысқан атмосфералық фронталды бөліктердің өтуіне байланысты, еліміздің басым бөлігінде құбылмалы ауа райы сақталады – жауын-шашын, батыс, оңтүстік, оңтүстік-шығыс және шығыс аудандарда қатты жауын-шашын (жаңбыр, қар) жауады.
Республиканың кей жерлерінде тұман, көктайғақ, желдің күшеюі, солтүстік-шығыс, орталық пен шығыста – жаяу бұрқасынмен, оңтүстік-батыста, оңтүстікте және оңтүстік-шығыста найзағай күтіледі.
Қостанай, Ақтөбе, Қарағанды, Шығыс Қазақстан облыстарының кей жерлерінде тұман, көктайғақ, жаяу бұрқасын, жел 15-20 м/с, Қарағанды, Шығыс Қазақстан облыстарында екпіні 23-28 м/с күтіледі.
Батыс Қазақстан облысының кей жерлерінде тұман, көктайғақ, түнде желдің жылдамдығы 15-20 м/с жетеді.
Атырау, Солтүстік Қазақстан облыстарының кей жерлерінде тұман, күндіз желдің 15-20 м/с күшеюі күтіледі.
Түркістан, Жамбыл, Қызылорда облыстарының кей жерлерінде желдің 15-20, екпіні 23-28 м/с күшеюі күтіледі, Жамбыл, Қызылорда облыстарында – тұман.
Алматы облысының кей жерлерінде желдің 15-20 м/с күшейюі күтіледі. Ақмола облысының кей жерлерінде тұман, көктайғақ болады.
1298 рет оқылды
