Белсенді Жанболат Мамайды 157 мың теңге сомаға айыппұл салуды талап етіп отыр. Бұл туралы бүгін Алматыдағы №2 Әуезов аудандық сотында өткен тыңдау барысында белгілі болды.
Өсімпұлды есептеуге жауапкерлердің «Nur Otan» партиясы төрағасының бірінші орынбасары Бауыржан Байбектің ар-намысын, қадір-қасиетін және іскерлік беделін қорғау туралы талап арыз бойынша сот шешімін орындамауы себеп болғаны аталып өтілді. Осы шешімге сәйкес Мамай мен Иманбаева 876 мың теңге көлемінде сот шығындарын төлеуге, сондай-ақ талапкердің беделіне нұқсан келтіретін материалдарды теріске шығару және жоюға тиіс еді. Алайда, осы талаптардың ішінен тек біріншісі ғана орындалды, өйткені сот орындаушысы қаражатты мәжбүрлі түрде өндіріп алды. Ақшаны Бауыржан Байбек аутизмі бар балаларға көмекке жіберді.
Байбектің мүддесін қорғайтын заңгер Айжан Тәшенова өз сөзінде атап өткендей, Мамай мен Иманбаева апелляция бірінші инстанцияның шешімін күшінде қалдырған сәттен бастап 1,5 ай өтті. Алайда, жауапкерлер заң талаптарына бағынудан бас тартып отыр.
Сондай-ақ Тәшенованың айтуынша, Мамай Байбекке қатысты тексеруді бастауды талап етіп, қаржы полициясын өтініштермен мазалап жүрген көрінеді. Бірақ Антикор оған Алматының экс-әкімі тарапынан бұзушылық фактілері орын алған жоқ деп жауап берген.
«Әсіресе, борышкердің сот заңсыз деп таныған әрекеттерді – қорлау, жалған мәлімдемелер тарату, қоғамды адастыру әрекеттерін жалғастырып жатқаны ашу тудырады», – деп атап өтті заңгер.
Атап айтқанда, Мамай тағы да Бауыржан Байбек Алматы әкімі болған кезде автобустарды сатып алу кезінде ұрланған миллиондар туралы мәлімдеді. Бұл туралы бірнеше рет айтылды, конкурсты Қаржы министрлігі өткізді, сондықтан әкімдік оның нәтижелеріне әсер ете алмады.
Ташенова атап өткендей, белсенді дәлел деп санайтын, 2 мың парақ «макулатура» дәл осындай сандырақтарға толы. Факті бойынша - бұл қауесет, әлеуметтік желілер мен БАҚ-тағы іске ешқандай қатысы жоқ жарияланымдар.
Айжан Тәшенованың айтуынша, Мамай Байбектің өзін қудалауға және тіркелмеген Демпартия белсендісі Абзал Достияровты тұтқындауға қатыстылығы мен Әйгерім (Аружан) Дүйсебаеваға әкімшілік айыппұл салу туралы ақылға сыймайтын айыптарды тағып отыр. Бұл ретте Полиция департаменті ресми түрде олардың рұқсат етілмеген акцияларға қатысқаны үшін жауапқа тартылғанын және бұл туралы ешкімнен өтініш түспегенін түсіндіріп өтті.
Заңгер Айжан Тәшенова сот орындаушысының талаптарын қолдап, жауапкерлерден Алматы бюджетінің кірісіне өсімпұлды толық көлемде өндіріп алуды сұрады.
