Фото:REUTERS
НАТО-ның мерейтойлық 75 жылдығына арналған Вашингтондағы саммитіне қатысушылар Украинаны қорғауға бір жыл ішінде 40 миллиард еуро бөлуге уәде берді. АҚШ президенті Джо Байден сонымен қатар одақтастар Ресейдің үздіксіз шабуылдарына қарсы тұру үшін Украинаға қосымша бес Әуе қорғанысы кешенін беретінін айтты, -деп хабарлайды "Ұлт Ақпарат".
Саммиттің қорытынды декларациясында НАТО "пропорционалды жарналардың көмегімен келесі жылы Украинаның қауіпсіздігі мен жеңісі үшін 40 миллиард еуро көлемінде ең төменгі базалық қаржыландыруды ұсынуға ниетті" делінген.
Саммиттің ашылуында сөйлеген сөзінде Байден қазір Ресейдің Украинамен соғысында "маңызды кезең" уақытында, бұл кезде әскери альянс "бұрынғыдан да күшті" деп мәлімдеді.
Байден АҚШ Германия, Италия, Нидерланды және Румыниямен бірлесіп Украинаға көмектесу үшін бірнеше PATRIOT зениттік-зымыран кешендерін және басқа да әуе қорғанысы жүйелерін беретінін айтты.
Украина президенті Владимир Зеленский бірнеше ай бойы өзінің батыс одақтастарынан Украинаға өте қажет әуе қорғанысын жеткізуді ұлғайтуды сұрады.
Еске салайық, дүйсенбіде ресейлік зымыран Киевтегі "Охматдет" балалар ауруханасына түскен.
2083 рет оқылды
