26 қыр, 2019 сағат 07:19

Ұлттық спорт фестивалі: Үздік көкпаршылар анықталды

Ақтөбе қаласында 18 қыркүйекте басталған көкпар додасы өз мәресіне жетті, деп хабарлайды "Ұлт ақпарат".

Фестивальге қатысқан еліміздің 12 көкпар командасы арасынан үздік шыққан төрт команда таңертеңнен бастап жүлделі орындарды сарапқа салды. Солтүстік Қазақстан облысы мен Ақтөбе облысы командалары арасындағы бәсеке 3:2 есебімен аяқталып, ақтөбелік көкпаршылар қола жүлдеге қол жеткізді.

Ал, финалдық ойында ҚР Еңбек сіңірген жаттықтырушысы Нұрдәулет Момыновтың шәкірттері фестивальдегі көкпар бәсекесінің бас жүлдесін қанжығаға байлады. «Әулие-ата» (Жамбыл облысы) мен «Құлагер» (Түркістан облысы) арасындағы ақтық ойын 3:1 есебімен аяқталды.

Еске сала өтелік, «Әулие-ата» командасы «Құлагер» командасынан биылдыққа екінші рет басым түсті.

1 орын – Жамбыл облысының «Әулие-ата» көкпар командасы

2 орын – Түркістан облысының «Құлагер» көкпар командасы

3 орын – Ақтөбе облысының көкпар командасы.