Түркияның солтүстік-батысында Эдирне провинциясы Лалапаша ауданында Ыстанбұлдан Болгарияға бара жатқан мигранттар мінген автобус аударылды, деп хабарлайды ҚазАқпарат Анадолыға сілтеме жасап.
Апат Ташлымюселлим елді мекеніне жақын жерде болған. Жүргізушіні қосқанда 16 адам зардап шекті.
Алдын ала мәлімет бойынша, жүргізуші рульді басқара алмай, көлік құралы жолдан шығып кетіп, аударылған.
Зардап шегушілер Эдирне ауруханасына жеткізілді. Бір адамның жағдайы ауыр.
Мигранттар Ыстанбұлдан Болгарияға бара жатқанын айтқан, шағын автобус салонында 30-дан астам адам болған.
Зардап шеккендердің бір бөлігі жол апаты болған кезде оқиға орнынан қашып кеткен.
1064 рет оқылды
