Қазақстандықтар Дмитрий Попко мен Александр Недовесов елордада өтіп жатқан Forte Challenger 100 турнирінде жұптық кездесулерін сәтті өткізді, деп хабарлайды "Ұлт ақпарат".
Алдымен грузиялық Александр Метревелимен жұп құрған Д.Попко кортқа шығып, ресейлік Ян Бондаревский – чехиялық Доминик Паланмен кездесті.
Қазақстандық-грузиялық жұп 1 сағаттан сәл астам уақытқа созылған бәсекеде 6:3, 6:4 есебімен ұтты. Енді олар жартылай финалға шығу үшін америкалықтар Натан Паша – Макс Шнурмен таласады.
Жұптық сында осы жарыстың 1-ракеткалары болып тіркелген А.Недовесов пен украиналық Денис Молчанов қазақстандықтар Сағадат Аяп – Данил Озерноймен шеберлік байқасты.
Челленджер додаларында жеңіске жетіп жүрген А.Недовесов пен Д.Молчанов қарсыластарынан 6:3, 6:1 есебімен басым түсті. Енді олар ширек финалда ресейлік Павел Котов – тайбэйлік Тунг-Лин Вумен күш сынасады.
613 рет оқылды
_140_110.webp)
